လက်တလော
ရန်ကုန်မှာ အရင် ရက်တွေလောက်မိုးက မရွာတော့ဘူး ။ ရာသီဥတု ပုံမှန်ပြန်ဖြစ်ပြီလို့ပြောလို့ရပါတယ်။ ဒါပေမဲ့ အထက်အညာ ဘက်မှာ မိုးခေါင်ပြီး အဆင်မပြေကြဘူးကြားတယ်။ ဒီနှစ်ပိုင်းတွေမှာ ရာသီဥတုတွေလည်း ဖော်လွဲဖောက်ပြန် တွေများလာတယ်။ ကမ္ဘာကြီး ပူနွေးလာမူတို့ တခြားသော လူ့ကြောင့် ဖြစ်တဲ့ အကျိုးသက်ရောက်မှုတွေ ကြောင့်လို့ပဲ မှတ်ယူလိုက်ပါတယ်။
ကျွန်တော်လည်း ဒီရက်ပိုင်း အင်တာနက်ကို အချိန်အတော်ကြာသုံးဖြစ်နေပြီး ညဘက်တွေ အိပ်ရေးတွေ ပျက်နေတယ်။ မနက်ပိုင်းတွေထတော့ အနည်းဆုံးက ၁၀ နာရီထိုးနေပြီး။ အမြဲတမ်းတော့မဟုတ်ပါဘူး။ ခုတစ်လောအလုပ် က အဲ့လိုလေး နေ့လို့ရလို့ လုပ်နေတာပါ။ ဒါပေမဲ့ ဒီကနေ့ကစပြီး အချိန်ပြည့်နီးပါကြီး အင်တာနက် သုံးလို့မရတော့ပါဘူး။ ရုံးကိစ္စတွေ ရှိနေသေးလို့ဖြစ်ပါတယ်။ ဒီလိုပဲ ကိစ္စများမြောင် လူတို့ဘောင်မှာ ကျွန်တော် လည်း ကိစ္စတွေများပြားနေတယ်။
ကျွန်တော့် ရုံးက သူများတွေနဲ့ မတူဘူး။ လောလောဆယ်ဆယ် အခြေအနေကဘယ်လိုဖြစ်သလဲဆိုတော့ ပြုပြင်ထိန်းသိမ်းမှု ကဏ္ဍကို တာဝန်ယူထားတဲ့ အပိုင်းတွေရှိတယ်။ နောက်ပြီးတိုးချဲ့တည်ဆောက်မဲ့ဟာတွေ တာဝန်ယူရတာတွေရှိတယ်။ အဲ့ဒီတော့ အချိန်ပြည့်မအားဘူးလဲမဟုတ်ဘူး။ အားတယ်လည်း မဟုတ်ဘူး။ အဲ့ဒီကြားထဲက ကို ကျွန်တော်ကလည်း ရုံးအလုပ်ကိစ္စအပြင် အခြားသော အပြင်လူမှုရေး ကိစ္စများစွာလည်း စေတနာ့ ၀န်ထမ်းပါသေးတယ်။
ရှေ့အပတ် စနေ၊ တနင်္ဂနွေဆို ခရီး တစ်ခု သွားဖို့ရှိပါတယ်။ ဒါကလည်း ရုံးနဲ့မဆိုင် ကိုယ့်ဟာကို ပရဟိတ စေတနာ့ ၀န်ထမ်း လုပ်တာပါ။ ရန်ကုန် အနီးအနားက မြို့လေး တစ်မြို့အပိုင်မှာ ရှိတဲ့ ကျေးရွာငယ်တစ်ခုရဲ့ မူလတန်းကျောင်းသားကျောင်းသူလေးတွေကို စာအုပ်နဲ့ ကျောင်းသုံးကရိယာတွေသွားလှူဖို့ပါ။ နောက်တစ်ပတ်မှာ ကြတော့ ဘလော့ဂ်ဒေး အထိမ်းအမှတ်နဲ့ တွေ့ဆုံပွဲလေး လုပ်ကြပြီး ခရီးလေး တစ်ခု သွားဖို့ဆိုတာ ထပ်ရှိပါတယ်။ အဲ့ဒါပြန်လာပြီး နောက်တစ်ပတ် ဆက်ပြီး စာမေးပွဲ ဖြေရပါမယ်။
စာမေးပွဲက စုစုပေါင်း ၁၁ရက်လောက်ကြာမယ်။ အဲ့ဒီစာမေးပွဲပြီးရင် ဖျာပုံ ကျိုက်လတ် ဘက်ကို အလှူကိစ္စနဲ့ သွားစရာ ရှိပါသေးတယ်။
စာမေးပွဲ ဖြေနေတဲ့ အပတ်ထဲမှာကို မန်ဘာဝင်ထားတဲ့ မိဘမဲ့ ကလေးများ ထောက်ပံ့ရေးအဖွဲ့ရဲ့ ကလေးသူငယ်များ အနုပညာစွမ်းရည်ပြပွဲနဲ့ ဈေးရောင်းပွဲတော် ရန်ပုံငွေ ရှာဖွေပွဲကို သွားရဖို့ရှိပါသေးတယ်။
ကျန်းမာရေးကလည်း ခုတစ်လော ကောင်းကောင်းသိပ်မကောင်းချင်ဘူး။ ကိုယ်ကလည်း ဆိုးတာကို။ သောက်သောက်စားစားလေးက လည်း ရှိပြန်ဆိုတော့။ ညာဘက် ရင်ဘက်က အောင့်အောင့်နေတယ်။ အခြေအနေ ထပ်ဆိုးရင်တော့ ဆေးခန်းလေးပြရမယ်။ ဒီလိုနဲ့ပဲ ကိစ္စတွေ ပြီးပြတ်အောင် လုပ်လိုက်ဦးမယ်ဗျာ။ အားလုံးအဆင်ပြေပျော်ရွှင်ကြပါစေ။
ဆန္ဒမွန်များစွာဖြင့်..
သူတော် ( ၁၅.၀၈.၂၀၀၉)
၁နာရီ ၃၃ မိနစ်။
photos source : Internet
1 comment:
ညာဘက် ရင်ဘတ်က အောင့်နေတာ ဆိုတော့အပေါ်လား အောက်ဘက် လားအ ပေ့ါ်ဘက် က အဆုတ်မကောင်းတာ။အောက်ဘက် ကဆိုရင် အရက်သောက်ရင် အသည်းမကောင်းတာ။ ဘာဘဲပြောပြော အရက်သောက်တာမကောင်းဘူး။
Post a Comment