Tuesday, February 16, 2010

မြွေခြေသံနှင့်မမ

အောက်တွင်ရေးသားဖော်ပြထားသော အကြောင်းအရာများသည် ကျတော် ကိုယ့်ဟာကို စာအုပ်ဖတ်ပြီး ကျတော် အမြင်နဲ့ သုံးသပ်ချက်များကို ရေးသားဖော်ပြထားခြင်းဖြစ်ပါသည်။ စာရေးဆရာများနှင့်တကွ မည်သူမည်ဝါကိုမှ ပြောဆိုရေးသားဖော်ပြခြင်းမဟုတ်ပါကြောင်း လေးစားစွာ အသိပေးအကြောင်းကြားအပ်ပါသည်။ စာအုပ်များအမြည်း သဘောရယ် အမြင်ရယ်ကို ရိုးရိုးသားသားရေးသားခြင်း ဖြစ်ပါသည်။


ဖိုးသူတော်


မြွေခြေသံနှင့်မမ


၂၀၁၀ ဇန်န၀ါရီလ ၁ ရက်နေ့က စာအုပ်နှစ်အုပ်ဝယ်ဖြစ်လိုက်တယ်။ တစ်အုပ်က မောင်မြေမှူးရေးတဲ့ မြွေခြေသံ(ပထမအကြိမ်) နှင့် နောက်တစ်အုပ်က ဆရာမြသန်းတင့် ရေးတဲ့ မမ (တတိယအကြိမ်) တို့ ဖြစ်တယ်။ ၀ယ်ပြီးပြီးခြင်း မဖတ်ဖြစ်သေးဘူး။ ရက်အနည်းငယ်ကြာမှ နှစ်အုပ်စလုံး ဖတ်ပြီးသွားတယ်။ မြွေခြေသံကို အရင်ဖတ်တာပါ။ ပြီးမှ မမ ကိုဖတ်တာ။


မြွေခြေသံမှာ စာရေးဆရာက သာမန်တောရွာလေးကနေ ရန်ကုန်လာပြီး ကျောင်းတက်ရင်း အလုပ်လုပ်၊ အလုပ်လုပ်ရင်း ကျောင်းတက်တဲ့ ကိုချစ်ထူးဆိုတဲ့ လူကို ဇာတ်ကောင်အဖြစ်ထားထားတယ်။ ဒီလူ့မှာ မွေးကတည်း အမေပဲရှိတယ်။ အဖေက သူ့ကိုယ်ဝန်ဆောင်ချိန်မှာပဲ ဆုံးသွားခဲ့တယ်။ အမေကလည်း ဒီလူ ခပ်ငယ်ငယ်မှာ သေသွားတယ်။ အဲ့ဒီတော့ ကျတော်အထင် မေတ္တာတော့ ငတ်ရှာမှာပဲ။ အတွေးအခေါ်ကလည်း တစ်မျိုး ဖြစ်နိုင်တယ်။


ဇာတ်လမ်းကတော့ ရန်ကုန်မှာ သက်ကြီးညကျောင်းတက်ပြီး ၁၀ တန်းဖြေတယ်။ အခန်းထဲက ကောင်မလေးကို ကြိုက်တယ်။ စာပေးတယ်။ ကောင်မလေးကလည်း လက်ခံသယောင်ယောင်ပြတယ်။ ဒါပေမဲ့ ကောင်မလေး တခြားသင်တန်းတစ်ခု ပြောင်းတက်တော့ သူကျန်ခဲ့တယ်။ အဲ့ဒါနဲ့ လိုက်တွေ့တယ်။ တစ်ခါအတွေ့ ခံပြီးတော့ ထပ်အတွေ့မခံတော့ဘူး။ အသည်းတွေဘာတွေ ကွဲသွားတယ်။ ပထမဦးဆုံးဆိုတော့။ ဒါနဲ့ သူတို့နေတဲ့ တန်းလျားအောက်ထပ်က ချာတိတ်မ တစ်ယောက်နဲ့ ထပ်ငြိတယ်။ အခြေအနေအရပ်ရပ်ကြောင့် ချာတိတ်မလေးကို သူယူလိုက်ရတယ်။ လင်မယားသာ ဖြစ်သွားပေမဲ့ သူစိတ်ထဲတော့ သူ့ဟာသူ လူပျိုထင်နေတုန်းပဲ။


မအောင်သေးတဲ့ ၁၀ တန်းကို ထပ်တက်တယ်။ တက်ရင်းနဲ့ ကျောင်းမှာ ကောင်မလေး တစ်ယောက်နဲ့ ငြိတယ်။ သူ့ဟာသူ လူပျိုဆိုတာ ဖုံးထားတယ်။ ကောင်မလေးကလည်း မသိတော့ မစွတ်ခင်ကတည်း ညွတ်ချင်ချင်ဆိုတော့ ချစ်သူတွေဖြစ်ကြတယ်။ ဒီကိစ္စကို အိမ်က မိန်းမ မသိဘူး။ ကောင်မလေးက မယားရှိမှန်း သိသွားတော့ ခွာလိုက်တယ်။ ကိုချစ်ထူးလည်း ၁၀ တန်းအောင် လုပ်သားကောလိပ်ဆက်တက်ပြီး ဥပဒေဘွဲ့လေး ရတယ်။ ဥပဒေ၀န်ထမ်းအဖြစ် အညာမြို့လေး တစ်ခုကို ပြောင်းရတယ်။ အလုပ်အကြောင်းပြပြီး ဇနီးနဲ့ သမီးကို ရန်ကုန်မှာပဲ ထားခဲ့တယ်။


ဖြစ်ချင်တော့ အညာမြို့လေးမှာ တာဝန်ကျတုန်း မိန်းမ တစ်ယောက်နဲ့ ငြိတယ်။ မုဆိုးမ တစ်ယောက်ပါ။ မုဆိုးမက သေသွားတဲ့ သူ့အမျိုးသားနဲ့ ကိုချစ်ထူး တူလို့ ဆိုပြီး လာမိတ်ဆက်ရာကနေ ငြိတာပါပဲ။ ကြောင်ကလည်း ခံတွင်းပျက်ပျက် ဇရက်ကလည်း တောင်ပံက ကျိုးဆိုတော့ အတော်လေးဟုတ်ကြတာပေါ့။ ဒါနဲ့ပဲ ၁ နှစ်ကျော်လောက်အညာမှတာဝန်ကျပြီးတော့ ရန်ကုန်ကို ပြန်ပြောင်းမိန့်ကြတယ်။ ရန်ကုန်က မြို့နယ်တစ်ခုက ဥပဒေရုံးမှာလုပ်တယ်။ အဲ့မှာပဲ တစ်ခါထပ်ပြီး ရှေ့နေမ တစ်ယောက်နဲ့ ထပ်ဆုံတယ်။


ရှေ့နေမကလည်း မုဆိုးမပဲ ထင်တယ်။ သမီးလေးတစ်ယောက်နဲ့။ အားလုံးထဲမှာ ရှေ့နေမကတော့ ပညာတက်ပဲ။ အဲ့တစ်ယောက်နဲ့တော့ ကိုချစ်ထူး တော်တော်လေး ဖြစ်တယ်။ ဒီလိုနဲ့ ရှေ့နေမနဲ့ ဖြစ်နေရင်း အညာက မိန်းမက ဗြုန်းဆို ရန်ကုန်ပြောင်းလာပြီး ထပ်ဖြစ်ပြန်ရော။ ကိုချစ်ထူးခင်မျာ အိမ်က မိန်းမ ၊ အညာက မိန်းမ ၊ ရှေ့နေမ သုံးယောက်နဲ့ 3 in 1 စူပါချစ်ထူး ဖြစ်နေရှာတယ်။ အစကတော့ မိန်းမ က မသိဘူး။ သူက မိန်းမကို လူရာ မသွင်းဘူး။ နောက်တော့ မိန်းမက သိပြီး ဇာတ်လမ်းတွေရှုပ်ကုန်ရော။ ဒါနဲ့ပဲ ဒီလူအိမ်ပေါ်က ထွက်ပြေးတယ်။ ထွက်ပြေးတယ်ဆိုတာကလည်း ရှေ့နေမနဲ့ တိုင်ပင်ပြီး ပေါင်းတည်မြို့ထင်တယ် သွားနေတယ်။


ဇာတ်လမ်းက ပြီးခါနီးပြီ။ ရှေ့နေ့မက နောက်ပိုင်း ရှေ့နေမလုပ်တော့ဘူး။ ကိုချစ်ထူး ကောင်းမှူအကြောင်းပြုပြီး အရက်ဆိုင်ဖွင့်တာ အတော်လေးကို အောင်မြင်တယ်။ ကိုချစ်ထူးက မြို့လေးမှာ နေရင်း နဲ့ စာလေးဘာလေးရေးပြီး ရှေ့နေလေး ဘာလေးလုပ်မယ်ဆိုပြီး သွားတာ အဆင်မပြေတာနဲ့ ရန်ကုန်နဲ့ နီးတဲ့ လိမ္မော်ခြံဆိုတဲ့ ကရင်ရွာလေးကို ထပ်စတည်းချနေတယ်။ အဲ့ အချိန်မှာ အညာက မုဆိုးမနဲ့လည်း ပျက်သွားပြီ။ အိမ်က မိန်းမကလည်း သူဘယ်မှာ ရှိမှန်းမသိဘူး။ ရှေ့နေမနဲ့ပဲ အဆက်အဆံရှိတော့တာ။ ကြာလာတော့လည်း လူ့သဘောသဘာဝအတိုင်း အလုပ်မရှိတဲ့ ဒီလူကြီး ကိုချစ်ထူးကို ရှေ့နေမကလည်း ငြိုငြင်ချင်သလိုဖြစ်လာပြီး ကိုချစ်ထူးနဲ့ ရှေ့နေမ စကားတွေ များကြတယ်။


နောက်ဆုံးမှာတော့ အသိတရား(လူမိုက်နောက်တ) ရပြီး မယားကြီးဆီပြန်မယ်ဆိုပြီး ပြန်သွားတယ်။ ပြန်သွားတယ်ဆိုတာ ပြန်မယ်ဆိုပြီးပြောတာ။ ရောက်သွားလား မယားကြီးက လက်ခံလား ဘာလားတော့ မသိဘူး။ ဇာတ်လမ်းက ပြီးသွားပြီ အဲ့ဒါနဲ့ပဲ။ တစ်အုပ်လုံးကို သုံးသပ်ကြည့်လိုက်တော့ ကိုချစ်ထူးရဲ့ စိတ်နေစိတ်ထားတော်တော်များများကို တွေ့ရတယ်။ စိတ်နေစိတ်ထားတစ်ချို့က ယောင်္ကျားအများစု မှာ ရှိတက်ပြီး တစ်ချို့ စိတ်ထားက တော့ နည်းနည်းလေးဆန်းတယ်။ ဥပမာ လက်နည်းနည်းသာတဲ့ ရှေ့နေမနောက်ကို လိုက်တာ။ လူကတော့ လက်သာရာ လိုက်တာပဲဆိုပေမဲ့ သူအတွက်သာတဲ့ လက်က မေတ္တာတရား။ ရှေ့နေမက သူလိုချင်တဲ့ မေတ္တာတရား ပေးနိုင်တယ်။ စာရေးဆရာက ရှေ့နေ့မကို ကိုချစ်ထူး အမေစရိုက်အတိုင်း ရေးပေးထားတယ်။ ကွမ်းလေး တဖျောက်ဖျောက်ဝါးတယ်ဆိုပြီးတော့။ ကိုချစ်ထူး အမေလည်း သူသားဘေးမှာ အိပ်ရင်း ကွမ်းလေး တဖျောက်ဖျောက်ဝါးတယ်။ အဲ့ဒီတော့ ကိုချစ်ထူးက ရှေ့နေမကို အရေးထားတယ်။တိုင်ပင်တယ်။ ရှေ့ဆက်ဘ၀ ကိုလက်တွဲချင်တယ်။ ဒါပေမဲ့ ရှေ့နေမက နည်းနည်းလေးတွက်တက်တယ်။ နောက်ပိုင်း သူရဲ့ တွက်ချက်မှု ကြောင့် ကိုချစ်ထူး လိုချင်တဲ့ မေတ္တာနဲ့ ကင်းကွာလာတယ်။ ဒါကို စာရေးဆရာက အသေးစိတ်ရေးထားတယ်။ ဇာတ်လမ်းရဲ့ အဓိက အမျိုးသမီးဇာတ်ဆောင်က ရှေ့နေမလို့ပြောလို့ရတယ် ။


ဇာတ်လမ်းရဲ့ ဇာတ်နာခံရတဲ့ ဇာတ်ဆောင်က ကိုချစ်ထူး မယားကြီး အမျိုးသမီးဖြစ်တယ်။ သူက ပညာအရည်အချင်းအနေနဲ့ အားလုံးထဲမှာ အနည်းဆုံး။ နောက်ပြီး စကားလှလှမပြောတက်ပဲ ဒုတ်ထိုးအိုးပေါက် ပြောတက်တယ်။ သူ့အနေနဲ့ တရားဝင်မယားကြီး တစ်ယောက်ဖြစ်နေသော်လည်း ဇာတ်ပို့တစ်ယောက်အနေနဲ့ ပါဝင်လှုပ်ရှားရပြီး စကားပြောခန်း သိပ်မပါရပါဘူး။ ဒါပေမဲ့ သူ့နေရာ သူ့အနေအထားနဲ့ တွေးကြည့်ရင် သူ့အနေနဲ့ မှားတယ်လို့ မပြောနိုင်ပါဘူး သူလုပ်တာ ပြောတာတွေက။


အညာသူ မုဆိုးမ က တော့ ရှင်းပါတယ်။ အားဖြည့်ဇာတ်ကောင်။ ခရီးသွားဟန်လွှဲတွေ့တယ်။ သူ့ရဲ့ သေသွားတဲ့ ယောင်္ကျားနဲ့ တူတဲ့ ကိုချစ်ထူးနဲ့ ငြိတယ်။ သူက တော့ အဖြည့်ခံသက်သက်။ ဒါပေမဲ့ သူလည်းလေ လောကီသားဆိုတော့ ကိုချစ်ထူးကို ပိုင်ဆိုင်ချင်တယ်။ တအိုးတအိမ် ထူထောင်ချင်တယ်။ ဒါပေမဲ့ အဲ့ဒါတွေ မဖြစ်သေးမှာပဲ နယ်ပြောင်းရတယ်။ နယ်ပြောင်းလို့ ရန်ကုန်မှာ ပြန်တွေ့တော့လည်း ဇာတ်လမ်းက ဆက်မရပြန်ဘူး။ ဟို ဆြာကိုချစ်ထူးက စူပါကော်ဖီမစ်ဖြစ်နေတယ်။ အဲ့မှာတင် သူ(အညာကမိန်းမ)က မယားကြီးနဲ့ စကားတွေ ဘာတွေများပြီး တခန်း ရပ်သွားတယ်။


ပြောရမယ်ဆိုရင်တော့ ကိုချစ်ထူးလို လူမျိုးတွေ လောကကြီးမှာ ရှိပါတယ်။ ဒါပေမဲ့ စာရေးဆရာကတော့ သူ့ ကလောင်စွမ်းနဲ့ ကိုချစ်ထူးကို မိန်းမ သုံးယောက်နဲ့ ပတ်သက်ပေးလိုက်တယ်။ ၄ ယောက်လို့ ပြောလို့ရပေမဲ့ ညကျောင်းမှာ ပထမဆုံး ကြိုက်ခဲ့တဲ့ ကောင်မလေးက ဧည့်သရုပ်ဆောင် အဆင့်ပါပဲ။


ဇာတ်လမ်းဆုံးသွားတော့ ဖတ်တဲ့သူ အပေါ်မူတည်ပြီး အမျိုးမျိုးကွဲသွားနိုင်ပါတယ်။ စာရေးဆရာမ ဂျူးလို မိန်းမအလေးပေး ဆရာမက အမှာစာမှာ သူအနေနဲ့ ဒီလိုမျိုးဇာတ်ကောင်ရှိရင် လွန်စွာစိတ်မကောင်းဖြစ်ပြီး သူရဲ့ လောကအမြင်ပါ ပြောင်းသွားနိုင်ကြောင်းရေးထားပါတယ်။ ဒီလိုရေးတာကလည်း ဆရာမ ဂျုးအပေါ် မည်သို့မျှ မထင်ပါ။ သူက မိန်းမရင်းစွဲ ရှိခဲ့တာပဲလေ။ ကျတော့်အနေနဲ့က မိန်းမ ယောင်္ကျား ရင်းစွဲ မရှိတော့ ပြဿနာမရှိပါ ဘူး။ ဒါပေမဲ့ ဆရာမ ဂျူးနည်းပါး မိန်းမရင်းစွဲ ရှိသူများကတော့ ဒီစာအုပ်ဖတ်ပြီး တော်တော် လေး အီစိမ့်သွားမဲ့ ပုံရှိပါတယ်။ ဇာတ်လိုက် ကိုချစ်ထူးရဲ့ လုပ်ဆောင်ချက်တွေကို အတော်လေး အီသွားနိုင်ပါတယ်။ အဲ့ဒီမှာ အကြံလေး တစ်ခုပေးချင်တာ မိန်းမ များကို ယောင်္ကျားများက စိတ်ရှိတိုင်း ဖောက်လွှဲ ဖောက်ပြန်လုပ် ( တကယ်တော့ ၂ ဖက်တီးမှ သေချာမြည်တာပါ လက်ခုပ်က) တဲ့ အကြောင်း ဖတ်တော့ စိတ်မကောင်း ဖြစ်ရင် မကောင်းဘူး။


ကျတော်ကလည်း ဖြစ်ချင်တော့ ၀ယ်လာတာက မြွေခြေသံ အပြင် ဆရာမြသန်းတင့် ရဲ့ မမ ဆိုတဲ့ စာအုပ် ဖြစ်နေတယ်။ အဲ့တော့ အီနေတဲ့ စိတ်ကို အချဉ်လို ပြေသွားအောင် မမ နဲ့ ဖြေလိုက်ကြရအောင်။ အရာအားလုံး ဟာ လူ့လောက လူ့သဘာဝမှာ ဖြစ်ပျက်နေတာပါ။ စာရေးဆရာတွေကို ကျေးဇူးတင်ပါတယ်။ သူတို့ သေချာရေးပေးထားလို့ ဆောင်ရန်ရှောင်ရန် တခြားသောဟာတွေကို ပရိတ်သက် က သိရတာပါ။


ဆိုတော့ကာ မြွေခြေသံ ထဲကလို ဖိုဝါဒ ဆန်ဆန် ကိုချစ်ထူး ပွေးခဲ့သမျှကို မမ နဲ့ အချဉ်ဖြေသလို ဖြေကြည့်ရအောင်။ မမ ဇာတ်လမ်း အကျဉ်လေး ရေးလိုက်ပါမယ်။ ဆရာ မြသန်းတင့် ရေးခဲ့တဲ့ မမ။ ဆရာရဲ့ ပင်ကိုရေး ၀တ္ထူတစ်ပုဒ်။ လက်ရွေးစဉ်တော့ မဟုတ်ပေမဲ့ ကောင်းတဲ့ စာရင်းထဲဝင်ပါတယ် ခင်ဗျာ။ ဇာတ်လမ်းကတော့…။။

မင်းမင်းလတ် ဆိုတဲ့ ခရိုင်ဝန်တစ်ယောက်ရှိတယ်။ ဘွဲ့ရပြီး ဗျူရိုကရက် စနစ်ထဲဝင်ပြီးမှ မိသားစု အသိုင်းအ၀ိုင်းကြောင့်ရယ် ယောက်ဖဖြစ်တဲ့ စည်သူပျံချီ ဦးချစ်ထွန်းကြောင့်ရယ် ခရိုင်ဝန်ကို အသက် ၃၀ မှာရတယ်။ ဇနီးချော တစ်ယောက်ရှိတယ်။ ဒါက အကျဉ်း။ မောင်မောင်လတ် မိန်းမ မှာ ညီမတွေရှိတယ်။ အင်း…. မောင်မောင်လတ်မှာ အမ တစ်ယောက်ရှိတယ်။။။ ဇာတ်ဆောင်မင်းသမီးပဲ မမ တဲ့။


မောင်မောင်လတ်နဲ့ မိန်းမ ခင်ရီရီ နဲ့ စကားများပြီး ကွဲမယ် ကွာမယ်လုပ်တော့ မမ ကပဲ လာပြီး ဖြေရှင်းပေးလိုက်ရတယ်။ အဲ့ဒီမှာ ခင်ရီရီတို့ အိမ်ဝင်ထွက်နေတဲ့ ယေးလ် တက္ကသိုလ် ကျောင်းဆင်း ဒေါက်တာ သက်ဆွေ ဆိုတာ ရှိတယ်။ မမ နဲ့ သက်ဆွေက ခင်ရီရီ ညီမ ခင်သီသီ မွေးနေ့ပွဲ အငြိမ်ပွဲမှာ စတွေ့တယ်။ သက်ဆွေက လူပျို။ ဒါပေမဲ့ မမ ဆိုတဲ့ အိမ်ထောင်သက် ၇ နှစ် ကလေးတစ်ယောက် အမေကို အသကုန်ကြွေသွားတယ်။ မမကလည်း စာရေးဆရာ ချယ်မှုန်းချက်အရ ကြွေလောက်အောင် လှတယ်။ တကယ်တော့ ခင်သီသီတို့ အသိုင်းအ၀ိုင်းက ခင်သီသီနဲ့ သက်ဆွေကို သဘောတူသလိုထားတယ်။ ခင်သီသီကလည်း ဘာမှန်း သူ့ဟာသူသေချာမသိဘူး။ အောင်မိုးဆိုတဲ့ လူတစ်ယောက်ကလည်း ရှိနေတယ်။ အောင်မိုးက ငယ်ငယ်ကတည်းသိတဲ့ အကိုကြီးတစ်ယောက်ပေါ့။


(ဒီနေရာတွင် ဆက်မရေးဖြစ်တော့ပဲ ရက်ပေါင်းအတော်ကြာအောင် ရပ်ထားသည်။ ကျတော် ခု ဆက်ရေးမယ်လုပ်တော့ စာအုပ်အား သူငယ်ချင်းတစ်ယောက် ငှားသွားရာ ယခုတိုင် ပြန်မရသေးပါ။ သို့ဖြစ်ပါ၍ ကျတော်ခေါင်းထဲ ကျန်သလောက် ဆက်ရေးပါမည်။ စာရေးသူ )


ဇာတ်လမ်းအရ ခင်သီသီ အိမ်မှလုပ်တဲ့ အငြိမ့်ပွဲမှာကတည်းက သက်ဆွေနဲ့ မမ ပူးပူးကပ်ကပ် စကားပြောနေကြာတာကို ခင်သီသီမြင်ပြီး အမြင်သိပ်မကြည်လင်ပုံကို ဆရာမြသန်းတင်က ရေးထားတယ်။ မမ ရန်ကုန်ပြန်သွားတော့လဲ သက်ဆွေက ပိုသည်းသည်းဖြစ်ပြီး ရန်ကုန်ကို ပါပြောင်းသွားပြီး ရန်ကုန်တက္ကသိုလ်မှာ ကျောင်းဆရာ သွားလုပ်နေတယ်။ သက်ဆွေရဲ့ အမ၀မ်းကွဲထင်တယ် မင်းကတော်တစ်ယောက်ပဲ မမ နဲ့က ခင်တယ်။ အိမ်အ၀င်အထွက်ရှိတယ်။ အဲ့ဒီမှာပဲ ဘေးတီးကောင်းတာကော မိန်းမတို့၏ ဆန်းကြယ်သော စိတ်ပြောင်းလဲမှုများအရပါ လင်ကြီးငုတ်တုတ် ရှိရဲ့နဲ့ မမ နဲ့ သက်ဆွေတို့ ငြိကြတယ်။ မိန်းမတို့၏ ဆန်းကြယ်သော စိတ်ဆိုတာက ဒီနေရာမှ မမက ဦးချစ်ထွန်းကို ယောက်ကျားသာတော်ထားတာ။ အချစ်မပါဘူး။ သူ့အတွက် လူတွေ ဖိုမ သတ္တ၀ါတွေမှာ ဖြစ်ပေါ်တဲ့အချစ်ဆိုတာမခံစားမထိတွေ့ဘူးသေးဘူး။ ကလေးသာတစ်ယောက် ရပြီးတာ။ ဦးချစ်ထွန်းက သူ့ချစ်သူမဟုတ်ဘူး။ သူ့ယောက်ကျားလင်သားအိမ်ဦးနတ်။ သက်ဆွေနဲ့တွေ့မှ အချစ်ဆိုတာ မြည်းစမ်းမိပြီး မဖြစ်သင့်တာတွေဖြစ်ကုန်တာ။


သူတို့ လူဂုဏ်တန်အသိုင်းအ၀ိုင်းမှာ ဒီလိုဖောက်လွဲဖောက်ပြန်မှုတွေကမထူးဆန်းပေမဲ့ မိသားစု အစုအဝေးတစ်ခုအတွက်ကျတော့ အခြေအနေက တော်တော်ကို မကောင်းဘူးဖြစ်နေတယ်။ အကျဉ်းချုပ်ပြောရရင် ဦးချစ်ထွန်းရှိရဲ့နဲ့ မမနဲ့ သက်ဆွေ ငြိကျတယ်။ သက်ဆွေက မမကို ဦးချစ်ထွန်းနဲ့ ကွာခိုင်းတယ် ။ မမကလည်း ကွာချင်တယ်။ အဘိုးကြီး ဦးချစ်ထွန်းက အကွာမခံဘူး။ သူကလည်း သူ့ဟာသူ သူ့သိက္ခာ၊ သူ့အတ္တနဲ့ အတွေးအရ မကွာပေးပဲ အပျော့စွဲလုပ်ထားတယ်။ ကြားထဲမှာ ဗျာများရသူက မမ။ ယောက်ကျားက အပျော့စွဲ လုပ်ထားတာက တစ်ဖက် ချစ်သူက တစ်ဖက်။ ဒီကြားထဲ သူ့ယောက်ကျားနဲ့သူနဲ့ ရတဲ့ သားလေးလည်းတစ်ယောက်ရှိသေးတယ်။ ယောက်ကျားကို ပြတ်နိုင်ပေမဲ့ မိန်းမသားတို့၏ မိခင်သံယောစဉ်ကြောင့် သားလေးကို မပြတ်နိုင်။ သူနှင့်အတူတူ ခေါ်ဖို့ကလည်း ဦးချစ်ထွန်းက ခွင့်မပြု။


ဒီလိုနဲ့ မမ အိမ်ပေါ်က ဆင်းပြီး သက်ဆွေနဲ့ တူတူ သွားနေတယ်။ နောက်တော့ သူတို့ သမီးမိန်းခလေး တစ်ယောက်ရတယ်။ ဒီချိန်ထိ မမကို ဦးချစ်ထွန်းက ကွာမပေးသေးသလို သက်ဆွေနဲ့လည်း မမက လက်မထပ်ရသေးဘူး။ သက်ဆွေကလည်း ပြတ်ပြတ်သားသားဖြစ်ချင်နေပြီ။ ဒီအတွက် မမ ရဲ့ မောင် မင်းမင်းလတ် က ကြာဝင်ညှိနှိုင်းပေမဲ့ ဘယ်လိုမှ ဖြစ်မလာဘူး။ မမ နဲ့ သက်ဆွေကလည်း တစ်ယောက်နဲ့ တစ်ယောက် ချစ်ကြသော်လည်း အတွေးလေးတွေ ကိုယ်စီ ဖြစ်လာကြပြီ။ မမ ကလည်း သက်ဆွေကို အတွေးတစ်မျိုးဖြစ်လာတယ်။ သက်ဆွေကတော့ မမ လောက်အတွေးမများဘူးထင်တာပဲ။ သက်ဆွေနဲ့ မမတို့က ပြင်ဦးလွင်မှာ နေလိုက် မန္တလေးဆင်းနေလိုက်လုပ်နေကြတယ်။


တစ်ရက် သက်ဆွေ မန်းလေးဆင်းသွားပြီး ပြန်မလာတော့ မမလိုက်သွားတယ်။ သက်ဆွေအမေက သက်ဆွေကို တခြားကောင်မလေးတစ်ယောက်နဲ့ သဘောတူထားတယ်ဆိုတာကို မမက တစွန်းတစသိထားတယ်။ မမက သက်ဆွေဆီ စာပို့ခိုင်းတယ် သူနဲ့ ပြင်ဦးလွင်ပြန်နေဖို့။ ဒါပေမဲ့ စာက အကြောင်းအမျိုးမျိုးကြောင့် သက်ဆွေလက်ထဲမရောက်သွားဘူး။ သက်ဆွေတို့ သားအမိနဲ့ အမျိုးသမီးလေးတစ်ယောက် ပြင်ဦးလွင်ကို သွားမယ် သတင်းကြားတော့ မမ လည်း ပြင်ဦးလွင်လိုက်ဖို့ ပြင်တော့တာပဲ။


ဇာတ်သိမ်းခန်းရောက်ပါပြီ ။ ဘူတာရုံရှေ့ရောက်တော့ အရူးမတစ်ယောက် ကနေတဲ့ဇာတ်ကွက်ကို ဆရာမြသန်းတင့်က ထည့်ထားတယ်။ ဒီဇာတ်ကွက်က တနည်းနည်းနဲ့ ဇာတ်လမ်းနဲ့ ပတ်သက်နေတယ်။ မမ စိတ်ထဲမှာလည်း ရူးနေပြီလို့ သိလိုက်ရတယ်။ နောက်တစ်ချက်က မမ ပထမဦးဆုံးအခေါက် မန်းလေးကို လာတော့ သူစီးလာတဲ့ ရထားတွဲနဲ့ လူတစ်ယောက် ရထားအောက်ထဲ ရောက်ပြီး သူတို့ရှေ့မှာ သေသွားတာ စာရေးဆရာက ဇာတ်လမ်းစကတည်းက ထည့်ထားတယ်။


မမ လည်း ရထားစီးသွားပြီ ပြင်ဦးလွင်ဘူတာကို ရောက်တော့ ရထားပေါ်ကဆင်းတယ်။ သက်ဆွေတို့ အဖွဲ့ကိုတွေ့မလား ရှာနေတုန်းမှာ သက်ဆွေနဲ့သူ့အမေ နောက်ထပ်အမျိုးသမီးတစ်ယောက်ကို သွားတွေ့တယ်။ မမ စိတ်ထဲဘယ်လိုတွေဖြစ်သွားလည်းမသိဘူး။ စကတည်းက သူ့စိတ်တွေမမှန်တော့တာလဲပါမှာပါ။ ဒီအဖြစ်အပျက်တွေအားလုံးရဲ့ အဆုံးသတ်ပုစ္ဆာအဖြေကို သူတွေ့သွားတယ်။ လူတစ်ယောက်သေလိုက်ရင် အားလုံးပြီးသွားမယ်ဆိုတာပဲဖြစ်တယ်။ သူပြုံးလိုက်ပြီး ရထားအောက်ကို ၀င်မယ်လို့ ဆုံးဖြတ်လိုက်တယ်။ အဲ့လိုတွေးပြီး ကိုယ့်ဟာကိုယ် သတ်သေမယ်အလုပ်မှာ သူ့လက်ပွေ့အိတ်အနီလေးနဲ့ တစ်ခုခုနဲ့ သွားညှိနေတယ်။ သူဒါနဲ့ အဲ့ဒါလေးကို ရုန်းနေတုန်း ဘေးကရှိတဲ့ လူတွေကလည်း ချော်လဲတယ်ထင်ပြီးကြည့်နေကြတုန်း ကျောက်သယ်တဲ့ ရထားတွဲကလာပြီး မမရဲ့ ဆန္ဒကို အဆုံးသတ်ပေးလိုက်ပါတယ်။ ဇာတ်ကသိမ်းသွားတယ်။


ဇတ်သိမ်းသွားတော့ ဇာတ်လုံးတစ်ခုလုံးမှာ အားပြိုင်မှုတွေ လူတွေရဲ့ဖြစ်တက်တဲ့ စိတ်အခြေအနေတွေ အမျိုးသမီးများနဲ့ ပတ်သက်တဲ့ စိတ်ဆန်းကြယ်မှုတွေကို တွေ့ရပါတယ်။ မမလို ဂုဏ်သရေရှိအမျိုးသမီးတစ်ဦး ဒီလိုအခြေအနေဖြစ်လာမယ်ဆိုတာ သာမန်တွေးလို့ မရပေမဲ့ စာရေးဆရာက လူတို့၏ မနောသဘာဝကို ပြသွားပါတယ်။ ဇာတ်လိုက်မင်းသမီး မမ ကို လော်လီဖောက်ပြန်တယ်လို့ သာမန်စွပ်စွဲလို့ရပေမဲ့ ဇာတ်လမ်းဇာတ်သွားရဲ့ ချောမွေ့ပုံအရ အပြစ်မတင်ရက်ပဲ စိတ်သဘာဝ၏ ဖြစ်တက်တာကိုပဲ မြင်ကြည့်မိလိုက်တော့တယ်။


လေးစားစွာဖြင့်


ဖိုးသူတော်

၁၆.၂.၂၀၁၀

၁၇ နာရီ ၁၇ မိနစ်


Photo Source : Internet



Friday, February 5, 2010

ဖိုးသူတော်နှင့် ဘ၀အထွေထွေ (၁)


ဖိုးသူတော်နှင့်ဘ၀အထွေထွေ (၁)


လောကဇာတ်ခုံ ဒီလို ကပြခဲ့ဘူးတယ်


လောကကြီးဟာ ဇာတ်ခုံတစ်ခုသာဆိုလျှင် လောကကြီးမှာရှိတဲ့ လူသားအားလုံးဟာ တစ်နည်းမဟုတ်တစ်နည်း ဇာတ်ကောင် တစ်ခုခုအနေနဲ့ ဘ၀ဇာတ်ခုံ လောက ဇာတ်ခုံမှာ ပါဝင်ကပြရမည်ဖြစ်သည်။ ကျတော်လည်း လူသားတစ်ဦးဖြစ်လေတော့ လူ့လောက ဇာတ်ခုံ ဇာတ်ကားတစ်ခု ဇာတ်လမ်းတစ်ခုမှာပါဝင်ကပြဘူးခဲ့သည်။ ထိုတုန်းက ကပြရတဲ့ဇာတ်က ပျော်ပျော်ပါးပါးလည်းမဟုတ် အလွမ်းအဆွေးအလည်းမဟုတ်တဲ့ ဇာတ်နာတစ်ခုဖြစ်သည်။ ပြန်မတွေးမိချင်လောက်အောင်ကို ဇာတ်က နာသည်။ ကပြရတဲ့ မင်းသားကိုယ်တိုင် ကိုယ်ကပြရတဲ့ ဇာတ်က နာလွန်းတော့ နောက်ထပ်ကဖို့ နေနေသာသာ အမှတ်ကို မထားတော့ပေ။ ဘ၀ဇာတ်ကွက်တစ်ခုအတွက် ထုတ်ပယ်ထားသလိုကို ဖြစ်နေသည်။ အမှန်အတိုင်းပြောရလျှင်လည်း မေ့ကိုနေလေသည်။ သို့ပေမယ် ယခု အကြောင်းတိုက်ဆိုင်ပြီး သူငယ်ချင်းတွေနဲ့ ဇာတ်လမ်းတွေ ပြန်ပြောဖြစ်ရင် ထိုဇာတ်ကွက်လေးကို သွားသတိရမိပြီ အမှတ်တရသဘော ပြန်လည်ရေးသားချင်းဖြစ်သည်။ (မိမိအနေအထား မိမိအတိုင်းအတာနဲ့ မိမိဇာတ်နာခြင်းဖြစ်သည်။ စာရေးသူ)


အချိန်ကား ၂၀၀၆ နှစ်ဆန်းပိုင်းဖြစ်သည်။ သူသည် ဧရာဝတီမြစ်ကမ်းဘေး ကျေးတောရွာလေး တစ်ရွာတွင် ခေတ္တနေထိုင်လျက်ရှိသည်။ ရွာလေးက ခေါင်လွန်းသည်ဟုပင် ပြောလို့ရသည်။ လျှပ်စစ် မီး မရှိသေး။ မီးစက်များမှာလည်း တစ်ရွာလုံးနေလို့မှ လေး ငါးအိမ်မရှိသော ညဆိုလျှင်မှောင်တက် သော ရွာလေးဖြစ်သည်။ ရွာတွင် ဗီဒီယိုရုံ ၂ ရုံရှိသည်။ မုန့်ဆိုင်ဟူ၍ ရွာနီးပတ်လည် တစ်ဆိုင်သာရှိသည်။ ထိုဆိုင်မှာ အရက်ပါရသည်။ အရက်ဖြူဖြစ်သည်။ ၀ီစကီ၊ ရမ် ဆိုသည်မှာ လေးမိုင်လောက်ဝေးသော ဘူတာရုံနေရာသို့သွားသောက်နိုင်မှ ရသည်။ ရွာတွင် အကောင်းဆုံး စီးကရက်မှာ ဗီးဂက်စ်ဖြစ်သည်။ ရွှေဒူးယားနှင့် ခပေါင်းအစီခံမပါတာတော့ရှိသည်။ အများဆုံးမှာ ကြယ်နီဆေးပေါ့လိပ်ဖြစ်သည်။ လန်ဒန်စီးကရက်သောက်ချင်လျှင် လေးမိုင်လောက်ကို စက်ဘီးစီးသွားရမည်။ သူများဆိုင်ကယ်ကြုံရှိပါက သွားနိုင်သည်။ လန်ဒန်ဆိုသည်မှာ ရွာကလူများအပြော မြို့ကြီးသားများသောက်သော ပေါ့ရွှတ်ရွှတ် မီးမြန်မြန်စားသောဆေးလိပ် အဖြူဖြစ်သည်။ အလုပ်အကိုင်မရှိ အားလပ်ပြီး စိတ်ပျက်စရာကောင်းနေသော လူငယ်လေးတစ်ဦး ထိုရွာသို့ရောက်နေသည်။ ပို၍ဆိုသည်ကား ဆက်သွယ်စရာ ဖုန်းကောင်းစွာမရှိခြင်းဖြစ်သည်။


ရန်ကုန်မြို့ မီး ပုံမှန်ရသော အရပ်တွင်နေထိုင်သော လူငယ်တစ်ဦးသည် ထိုသို့ခေါင်းဖျားသော တောရွာငယ်လေးတွင် ဘယ်ဆီဘယ်မျှမသိ အောင် လောကဓံကံကြမ္မာအရ သောင်တင်နေသည်။ အနာဂတ်ဆိုသည်ကို စဉ်းပင်မစဉ်းစားတော့ချေ။ တကယ်တမ်း ထိုရွာသို့ရောက်နေသည်မှာ ၂၀၀၅နှစ် မကုန်ခင်ကတည်းဖြစ်သည်။ နှစ်ကုန်ပိုင်းအတွင် အဖွားက ဆုံးသွားသည်။ သူသည်ပင် အဖွားအသုဘ မြေကျသည်ထိလိုက်ပါဆောင်ရွက်ရသည်။ ထိုမှ တဖန် ၂၀၀၆ နှစ်ဆန်းတွင် အဖိုးက ထပ်ဆုံးသည်။ ထိုနည်းလည်းကောင်း အဖိုး အလောင်းမြေကျသည်ထိ ပါလိုက်သေးသည်။ ဘ၀တွင် ပထမဦးဆုံးသော တောဓလေ့ အသုဘ ၂ခု ကြုံတွေ့ရခြင်းဖြစ်သည်။ အဖွားအသုဘတုန်းက မီးသဂြိုလ်သည်။ အဖိုးအသုဘက ဒီတိုင်းမြေမြုပ်သည်။ အဖွားမီးသဂြိုလ်ရာတွင်းထင်းတုန်းထည့်ပေးခဲ့သည်။ အဖိုးမြေမြုပ်ရာတွင် မြေခဲချပေးခဲ့သည်။ တကယ်တော့ အထူးအဆန်းသဖွယ်ဖြစ်နေသည်။ အားလုံးအတွက် နှမြောချင်းဆိုသည်သာ ခံစားရ၍ ထိုထက်လည်း ပိုမခံစားရချေ။ လုပ်ပေးစရာရှိသည်များကို လုပ်ပေးသည်။ ညတိုင်း အသုဘအိမ်စောင့်ပေးသည်။ မနက်ခင်းစောစောအိပ်သည်။ အားလုံးပြီးစီး၍ နေသားတကျဖြစ်တော့ သူ့တွင်ဘာမှ လုပ်စရာမရှိချေ။


မနက်နေမြင့်မှအိပ်ယာထသည်။ ဦးလေးကျောင်းဆရာ၏ စာအုပ်အဟောင်းများ ဖတ်ချင်ဖတ်နေမည်။ ဟိုတုန်းက ဦးလေးတို့ သင်ကြားခဲ့ရသော ရှိတ်စပီးယားဝတ္ထူများ ဖတ်ချင်ဖတ်နေမည်။ သူ့တွင်ပါလာသော ကဗျာစာအုပ်တစ်အုပ်ကိုဖတ်နေမည်။ ဆရာမကြီး ဒေါ်ခင်မျိုးချစ်ရေးသော ဗမာပြည်ကောက်ကြောင်း ၀တ္ထူဆောင်းပါးလေးများဖတ်ချင်ဖတ်နေမည်။ တစ်ရွာလုံးတွင်တစ်ဆိုင်သာ ရှိသော မောင်ခိုင်ဆိုင်မှ သုံးဆယ့်ငါးကျပ်ပေးရသော ကော်ဖီမစ်တစ်ထုတ်သောက်ကောင်းသောက်နေမည်။ ကြယ်နီဆေးပေါ့လိပ်လေး ဖွာ၍ အိမ်ရှေ့ရှိ အုန်းပင်များကို ကြည့်နေမည်။ အတော်အတန်ကြာ၍ ညောင်းလာလျှင်သို့မဟုတ် ပျင်းလာလျှင် လမ်းလေးထလျှောက်မည်။ မြစ်ကမ်းဘေးတွင် တစ်အိမ်တည်းသာရှိသော အဖွားလေး အိမ်သို့ ခဏသွားလည်မည်။ မြစ်ကမ်းဘေးတစ်လျှောက် တာရိုးပေါ်လမ်းလျှောက်မည်။ နေတအားပူလျှင်အိမ်ပြန်လာမည်။ သိပ်ကိုပျင်းစရာကောင်းနေပေလိမ့်မည်။


ညနေစောင်းလျှင် နည်းနည်းလှမ်းသောအိမ်ခြေမှ အကိုများလာခေါ်လျှင် မောင်ခိုင်ဆိုင်တွင် အရက်ဖြူလေး တစ်စိတ်လောက်သွားသောက် လိုက်သေးသည်။ စကားတပြောပြောဖြင့် မိုးစုန်းစုန်းချုပ်သွားလျှင်အိမ်ပြန်လာ၍ သူများတွေနှင့် ထမင်းအတူတူစားမည်။ သို့တည်းမဟုတ် တစ်ယောက်တည်း ရှိတာလေးများနှင့် လှန်လှော၍စားမည်။ သိပ်မူးလာခဲ့လျင် အိပ်ပျော်သွားလိမ့်မည်။ တစ်ခါတစ်ရံအနီးအနား ဗီဒီယိုရုံသို မြန်မာဗီဒီယိုဇာတ်ကားများသွားကြည့်တက်သည်။ ဗီဒီယိုရုံမကြည့်ဖူးသောကြောင့်ဖြစ်သည်။ တမျိုးတော့ ကြည့်၍ကောင်းသည်။ ဒါပေမဲ့ ကြာကြာမကြည့်နိုင်ပါ။ ဇာတ်ကားမပြီးခင် အမြဲပြန်လာတက်သည်။


၃ လလောက်နေထိုင်မိသောအခါ တောဓလေ့အထာများ အသားကျသလိုလိုဖြစ်လာသည်။ သို့သော်မနက်စာကားလုံးဝ စား၍ မရသေးချေ။ ဂျီးများသည်ဟုဆိုဆို ကော်ဖီသာ သောက် ရသည်။ တကယ်တော့ သောက်ရနေသေးလို့ဖြစ်သည်။ သောက်မရတော့သောအခါ ရေနွေးကြမ်းသာ သောက်ရတော့သည်။ ဆေးပေါ့လိပ်လေးရှိနေသည်ကိုက ကံကောင်းနေပေသေးသည်။ ရွာတွင်အိမ်တစ်လုံးဆောက်သည် ကို ကူဆောက်ပေးဘူးသည်။ ကူဆောက်သည်ဆိုသည်က ပျဉ်လေးသယ်ပေး တိုင်လေးထောင်ပေး နှင့် သံလေး တူလေး မတောက်တစ်ခေါက်ရိုက်ပေးဖူးခြင်းဖြစ်သည်။ ထိုသို့လေးဘက်လေးတန် တိုင်ထောင်အမိုးမိုးပြီး ဗလာကျဉ်းအိမ်အသစ်လေးတွင် တပတ်ခန့် အိမ်စောင့်လုပ်ပေးဘူးသည်။ ပင်ကိုယ်ကြောက်စိတ်မရှိသော်လည်း ညဘက်သန်းခေါင်းတရေးနိုးချိန်အိပ်မပျော်လျှင် အနည်းငယ် ကြောက်လန့်မိသည်။ အိမ်သစ်ဆိုသောကြောင့်လေတိုက်သဖြင့်လှုပ်ရမ်းသည်။ အသစ်တပ်ထားသော လှေခါးသည် လေတိုက်သောအခါ လူများတက်လာသလို လှုပ်ရမ်းတက်သည်။ ဘေးတွင် အဖော်ရွာသားတစ်ဦးရှိသော်လည်း မိမိဘာသာ မိမိ တစ်ခုခုကို ကြောက်မိသည်။ တပတ်လောက်ကြာတော့လည်း အသားကျသွားသည်။ သူ့အရပ်နှင့် သူ့ဇာတ်ဆိုသော သဘောကို နားလည်လာသည်။


ဆောင်းဦးပေါက်ရောက်၍ တပိုတွဲတပေါင်း အချိန်များတွင်ပဲခင်းများခူးစွတ်ရန်အသင့်ဖြစ်နေသည်။ ထိုအချိန်တွင် ပဲခင်းစောင့်ခဲ့ရဖူးသည်။ ညစာ စောစောစား၍ အိမ်တွင် စကားစမြည်အနည်းငယ်ပြောဆိုပြီးလျှင် ဦးလေးနှင့်အတူ ရွာပြင်တွင်ရှိသော ပဲခင်းသို့ စောင်တထည်ပတ်၍ သွားခဲ့ရသည်။ ရေဗူးတစ်ဗူးနှင့် ဆေးပေါ့လိပ်အနည်းငယ် မီးခြစ်တစ်ခုသာပါသည်။ ၀ါးရင်းဒုတ်ကောင်းကောင်းတစ် ချောင်းလည်းပါသည်။ ပဲခင်းများမရောက်မိတလင်းပြောင်ပြောင်းစပ် ကန်သင်းရိုးဘေးတွင် အောက်တွင် ကောက်ရိုးအနည်းငယ်ခင်း၍ လွယ်အိပ် ခေါင်းခုကာ အိပ်ရသည်။ မအိပ်ခင် စကားလေးဘာလေးပြော ပဲခင်းအနှံ့ဓါတ်မီးဝင့်ကြည့်ပြီး ထူးခြားမှုမရှိကာမှ အိပ်ရသည်။ ကောက်ရိုးခင်းမြေကြီးပေါ်တွင် လွယ်အိပ်ခေါင်းခုပြီး ကောင်းကင်ကိုမော့ကြည့်ရသည်မှာ မည်သူမဆို စိတ်ကိုလှုပ်ရှားစေသည်။ သူလိုလူအဖို့ပိုလို့ပင် စိတ်လှုပ်ရှားစေသည်။ များစွာသောကြယ်များသည် ကောင်းကင်တွင် လက်လက်ထစွာပြန့်ကျဲနေသည်။ တိမ်ခိုးတိမ် ငွေ့များသည် မြူများသဖွယ်လောက်သာ ရွေ့ရွေ့သွားနေသည်။ နှင်းစက်များကလည်း မျက်နှာပေါ်ကျသေးသည်။ ထိုအခါ စောင်ကို ခေါင်းမြီးချုံကာ အိပ်စက်ရသည်။ အိပ်သည်ဆိုသောလည်း ကြက်အိပ်ကြက်နိုးသာသာ ဖြစ်သည်။ ထိုသို့ဖြင့် မိုးလင်းပေါက်ရောက်ခဲ့သည်။


ဆောင်းဦးပေါက်ပြီးနွေရာသီထဲဝင်လာသောကြောင့် ရွာအိမ်တွင် ထင်းများစုဆောင်းရတော့သည်။ ပထမဦးစွာ ထင်းများကုန်၍ ပျက်စီးနေသော ထင်းခြံကို အကာများ ပြန်ကာရသည်။ ထိုနောက် အမိုးမိုးရသည်။ ဦးလေးသည် အမိုးမိုးတက်စေရန် အပေါ်သို့တက်ခိုင်းပြီး ခဏ စမ်းမိုးပြပြီး သူက အောက်မှ ဓနိများပေးသည်။ သို့ဖြင့် သူသည်ခါးတောင်ကျိုက် နှီးစည်းကို ခါးပုံစတွင်ထည့်ပြီး တစ်နွေတစ်မိုးစာ ထင်းပုံကို မိုးရတော့သည်။ အမိုးအားလုံးမိုး၍ပြီးစီးသောအခါ နေ့လည် ထမင်းစားသည်။ ထို့နောက် တရေးတမောခဏနား ပြီး ထင်းတုံးများ ရှိရာ ထင်းပုံသို့လှည်းဖြင့်သွားရသည်။ ထင်းပုံဆိုသည်မှာ မိမိပိုင် ထင်းပင်များအား အလုပ်သမားငှားခုတ်လှဲ လွှတိုင်ခိုင်းစေ ထားပြီး ခွဲခြမ်းတုန်းများဖြစ်အောင် ပြုလုပ်ပေးထားသောနေရာဖြစ်သည်။ ထိုနေရာသို့အိမ်မှလှည်းနှင့် ထင်းသွားတိုက်ရခြင်းဖြစ်သည်။ ကုန်ခဲ့သော နှစ်များစွာကဆိုလျှင်ထိုကဲ့သို့မဟုတ်ပဲ ရိုးမထဲသို့ပင်သွားတိုက်ရသည်ဟု ပြောတာမှတ်မိနေသေးသည်။ ထိုထင်းပုံမှ ထင်းတုန်းများ ကို ကိုယ်တိုင်မချီပြီးလှည်းပေါ်သို့တင်ရသည်။ များစွာပင် ပင်ပမ်းလှသည်။ ထိုကဲ့သို့ လှည်း လေးငါး ခြောက်စီး တိုက်လောက် ရမှ အိမ်ရှိထင်းခြံလည်းပြည့်ပြီး တနွေတမိုးစာ ထင်းဖူးလုံမည်ဖြစ်သည်။


ဆောင်းကုန်၍ နွေဦးပေါက်လာသောအခါ ရွာရှိ အစုစပ်မွေးမြူထားသော ငါးကန်များဖော်ချိန် ရောက်လာသည်။ ဦးလေးသည် အစုစပ်ငါးကန်တွင် ပါသောကြောင့် ကန်ဖော်သော အခါ ကန်ဖော်မည့်တာဝန်ကျသည်။ တကယ်တမ်းပြောရလျှင် ထိုငါးကန်အစုစပ်အားလုံး သည် သူ၏ဆွေမျိုးများဖြစ်သည်။ ထိုသို့ ဦးလေးကန်ဖော်ရန်တာဝန်ကျသောအခါ ဦးလေးသည် ကျောင်းသွားရသည် ဖြစ်သော ကြောင့် ထိုတာဝန်သည် သူ့တာဝန်ဖြစ်လာသည်။ ဦးလေးအစား ကန်ဖော်ပေးရမည်။ ငါးကန်သည် သူ့အရပ် ရင်ခေါင်းသာသာလောက်နက်သည်။ အနက်ဆုံးနေရာသည် လည်စေ့ သို့မဟုတ် မေးစေ့လောက်နက်သည်။ ကန်သည် ပေ လေးဆယ်လောက် ကျယ်ဝန်း၍ အလျားသည် လယ် လေးငါးခြောက်ကွက်စာလောက်ရှည်သည်။ ထိုကန်ထဲသို့ သုံးထပ်နိုင်လွန်ပိုက် ၂၂ ပေအရှည်ကို တန်းချ၍ လူ ၁၃ ယောက်ခန့်က ၀ိုင်း၍ ပိုက်ဆွဲခြင်းဖြစ်သည်။ ပိုက်တိုး၍ မိသောငါးများကို ဖမ်းကာဖမ်းကာ ကမ်းပေါ်သို့ပေးသည်။ အစပိုင်းတော့ မလုပ်ဘူး၍ ပျော်စရာကောင်းသည်ဟု ထင်မိသော်လည်း အချိန်ကြာလာသည်နှင့်အမျှ အေးခဲပြီးညောင်းလာပါသည်။ ပိုက်အား ကိုင်ရသည်မှာ ကြာတော့ မစားသာလှပါ။ လက်အံများပင်သေလာပါသည်။ ကျန်သူများအားလုံးမှာ တောသူတောင်သား လုပ်ဖူးကိုင်ဖူးသူများဖြစ်သည်။ သူတစ်ယောက်တည်းသာ ကပေါက်တိကပေါက်ချာ ပါလာခြင်းဖြစ်သည်။ သို့ပေမဲ့ အရွယ်ကလည်းငယ်ပြန် ယောက်ျားဆိုသော မာန အပြောကလည်း မခံချင်သောကြောင့် ကြိုးစား၍ ပိုက်ဆွဲပါသည်။ အကောင်းသေးသော ခြေမ သာသာရှိ ငါးလူးခေါ် ငါးများသည် ပိုက်မှ လွှတ်လာသော်လည်း ခြေထောက်ကြားထဲတိုးဝင်သောကြောင့် ခြေချောင်းများနှင့် ကုတ်၍ဖမ်းလို့ရပါသည်။ ထိုအခါ ကမ်းပေါ်ရှိသူများ အားပစ်၍ပေးရပါသည်။ ကြာတော့ ကိုယ့်ဟာကိုခြေထောက်ကြားကဖမ်းမိသော ငါးလူးများကိုပင် ပို၍စိတ်ဝင်စားကာ ဖမ်းနေမိသေးသည်။ ငါးများတင်မက ပုစွန်လုံး(လယ်ဂဏန်း)များပါ ရလိုက်သေးသည်။ တမနက်ခင်းလုံး ပိုက်ဆွဲ၍ နေ့လည် မှသာ နားပါသည်။ ထိုအချိန်တွင်လူလည်း တစ်ကိုယ်လုံး မဲပြာ၍ပင်နေလေတော့သည်။ ခွဲတမ်းရသော ငါးများ ယူ၍ အိမ်ပြန်ပြီး ရေမိုးချိုး ရေနွေးပူပူသောက်ပြီး အိပ်ပါတော့သည်။ ငယ်ငယ်ရွယ်ရွယ် သွေးသားကောင်းသောကြောင့်လားမသိ ဖျားချင်းနာချင်း လုံးဝမဖြစ်ချေ။ ထိုသို့ ၂ ရက်ခန့် ပိုက်ဆွဲ ပြီးမှသာ ကန်ဖော်ခြင်း အဆုံးသတ်ပါသည်။


ကျေးလက်တောရွာတွင် နေသည်မှာ အတော်ကြာလာပြီဖြစ်၍ နေသားများပင်ကျနေပါသည်။ ရွာဓလေ့မင်္ဂလာဆောင်များသို့ ညအိပ်ညနေ သွားလည်ဖူးခဲ့သည်။ အလှူများတွင်လည်း လိုက်လံပျော်မြူးစားသောက်ဖူးသည်။ တစ်ခြားရွာရှိ ဇတ်ပွဲများသို့လည်း ညဘက်ကြီး နှင်းမှုန်မှုန်အောက် လှည်းစီး စောင်ခြုံပြီး သွားခဲ့ဖူးသည်။ ရွာသူအပျိုချောများအားလည်း စနောက်ခဲ့ဖူးသည်။ သူတို့၏ တုန့်ပြန်စနောက်ခြင်း များအားလည်း ခံခဲ့ရဖူးသည်။ မော်တော်ဆိပ်ဘေး အရက်ဆိုင်နောက်တွင်လည်း ညအိပ်ညနေ ဖဲရိုက်ခဲ့ဘူးသည်။ ဘယ်ရွာက လာမှန်းမသိသော သူများ မိမိရွာမှသူများ မော်တော်အဆင်း ဆင်းနေသော သူများ နှင့်ဖဲရိုက်ခြင်းဖြစ်သည်။ ထိုသူများ၏ လွယ်အိပ်များထဲတွင် လောက်စာလုံး လောက်လေးနှင့် ဓားမြှောင်များပါသည်ကို အထင်းသားပင်မြင်နေရသေးသည်။ သို့ပေမဲ့ သူသည် မည့်သည့်ကြောက်လန့်စိတ်မှ မရှိပဲ ညနက်သန်းခေါင်းထိ ဖဲရိုက်ခဲ့ဖူးသည်။ ဦးလေးတစ်ယောက်နှင့် အကိုတစ်ယောက် ပါသောကြောင့်လည်း ဖြစ်ကောင်းဖြစ်မည်။ သူ ဒိုင်ကိုင်၍ နိုင်သော အခါများတွင်တော့ အနည်းငယ် စိုးရိမ်စိတ်ရှိသည်။ ပါသော ဦးလေးနှင့် အကိုသည်လည်း သူ့ဟာသူ ထိုးသားဖြစ်လိုက် ဘေးထိုးလိုက်လုပ်နေသောကြောင့်ဖြစ်သည်။ ထိုသူများသည် သူအား တနယ်သား သူတို့ ရွာဘက်သား မဟုတ်မှန်းလည်း သိကြသည်။ ဥပမာ ပိုက်ဆံချမထိုးပဲ လေဖြင့် များစွာ ပြောထိုးခြင်းဖြစ်သည်။ တစ်စုံတစ်ယောက်မှ ထမပြောလျှင် ထိုအတိုင်း လေဖြင့် ထိုးသည်ကို ခံရသေးသည်။ ကံကောင်၍လား မသိ ဖဲဝိုင်းများတွင် များစွာ ရှုံးလေ့မရှိပေ။ နိုင်များပင် နိုင်သည်က များခဲ့လေသေးသည်။ ထိုမော်တော်ဆိပ်နား အရက်ဆိုင်တွင်သူ့၏ နာမည်သည် အတော်ပင်ထွက်လိုက်သေသည်။ တစ်ခုကောင်းသည်က ထိုဆိုင်သည် မြန်မာဘီယာရသည်။ သူ့အား ဆိုင်ရှင်လင်မယားသည် များစွာကြည်ဖြူသည်။ အကြောင်းမူ သူသည် မြန်မာဘီယာအား များစွာ အားပေးသောကြောင့်ဖြစ်သည်။ ဖဲနိုင်၍ ငွေစလေးများ ရွှင်ပါက လေးမိုင်ခန့်ဝေးသော ဘူတာသို့ သူများဆိုင်ကယ်ကြုံဖြင့် လန်ဒန် စီးကရက်လေးတစ်ဗူးတစ်လေသွား၍၀ယ်သောက်နိုင်သည်။ မြို့ပေါ်မှ ဂျာနယ်အဟောင်းလေးများ ဖတ်ကြည့်နိုင်သည်။ တောလက်ဘက်ရည်လေး တစ်ခွက်တစ်လေ သောက်နိုင်သည်။ သတင်းစာက အဟောင်းပင်မရှိ၍ မဖတ်နိုင်ပါ။ ရွာလေးသည် များစွာပင် ချောင်ကျနိုင်လွန်းသည်။


ထိုကဲ့သို့ ဘ၀ကို အချိန်လွန်ကုန်ဆုံးပြီး ဦးတည်ချက်မရှိ အနာဂတ်မရှိသလို့ မျှောနေရင်းနှင့် သင်္ကြန်ကျော်၍ မေလကုန်လောက်သို့ ပင်ရောက်လာသည်။ ရွာရောက်နေသည်မှာ ၆ လ ကျော်ခန့်ရှိနေပြီဖြစ်သည်။ မညှပ်ပဲထားသော ဆံပင်သည်လည်း ဂုတ်ထောက်လုမတက်ဖြစ်နေသည်။ အသားအရေမှာလည်း ကိုယ်ဟာကိုမသိ ဘေးလူအပြောဖြင့် နီညိုညို ညစ်တစ်တစ်ဖြစ်နေသည်။ မုတ်ဆိပ်မွှေး နှုတ်ခမ်းမွှေးများသည်ပင် အတော်ကြည့်ရဆိုးမှ ရိပ်ခြင်းဖြစ်သည်။ သည်ဟာတောင် ပါလာသော မုတ်ဆိတ်ရိတ်ဓါးများ ကို ထပ်ခါထပ်ခါ ပြန်သုံးသောကြောင့်ဖြစ်သည်။ ရွာရှိ ကလေးသူငယ်များပင်လျှင် ကျောင်းများပြန်တက်နေကြပြီဖြစ်သည်။ ရွာတွင် မူလတန်းကျောင်းလေး တစ်ကျောင်းရှိသည်။ တစ်ချို့ကလေးများ လေးတန်း၊ ငါးတန်း၊ ခြောက်တန်း၊ ခုနှစ်တန်း ကလေးများ ကျောင်းမတက်မီ မေလလောက်တွင် စိတ်ပါဝင်စားသော ကလေးများအား အင်္ဂလိပ်စာသဒ္ဒါနှင့် စကားလုံးများ သင်ပေးသေးသည်။ သူတို့သည် အစပိုင်း စိတ်ဝင်စားသလိုလိုနှင့် စာကိုစာမှန်း သိလာသောအခါ စိတ်မ၀င်စားကြတော့ချေ။ သူလည်း မည်သို့မျှ မတက်နိုင်ပေ။ ရွာရှိကလေးများသည် ပညာရေးတွင်များစွာ အားနည်းသည်။ အားနည်သည်ဆိုသည်ထက် ပတ်ဝန်းကျင်အခြေအနေကြောင့် စိတ်မ၀င်စားခြင်း ဖြစ်သည်။ ထို့အတွက်မူ သူ စိတ်မကောင်းဖြစ်မိသည်။


တရက်တွင် အိမ်အနည်းငယ် လှမ်းသော အိမ်မှ ညီဝမ်းကွဲ တစ်ယောက် စက်ဘီးနှင့် လာသည်။ သူ့တို့အိမ်ဘက်တွင် သူ့အမေ ရောက်နေသည်ဆိုသော သတင်းကိုလာပေးသည်။ အံ့ဩသလို ဖြစ်မိသော်လည်း ဘာမှမပြောပဲနှင့် လာပြောသော ညီငယ်နှင့် အမေ ရောက်နေသော အိမ်သို့ လိုက်ခဲ့လိုက်သည်။ အမေသည် သူ့ကို ကြည့်၍ နေကောင်းလားဟုသာမေးသည်။ အမေ ဘာလာလုပ်တာလည်း ဟု မေးသောအခါ အလည်ခဏလာတာပါဟုဖြေသည်။ ထိုနောက် သူ့အား စိုက်ကြည့်၍ ဆေးလိပ်တွေ တအားသောက်တယ်ထင်တယ်ဟု ပြောသည်။ သူ့လက်ကြားတွင်ဆေးပေါ့လိပ်တစ်လိပ် ညပ်ထားသည်။ နည်းနည်းပါဟု ပြန်ဖြေလိုက်သည်။ ထိုနောက် ခဏနေပြီး ပြန်လာခဲ့သည်။ ညနေတွင် အမေသည် သူနေသော အိမ်သို့ ရောက်လာသည်။ အမေရောက်မလာမီအချိန်တွင် သူသည် အရက်ဖြူ အနည်း ငယ်သောက်ထားပြီးဖြစ်သည်။ အမေနှင့် သူတွေ့တော့ စကားအနည်းငယ်ပြောကြသည်။ ဦးလေးလည်း ပါသည်။ ဦးလေးနှင့် အမေလည်း စကားပြောကြသည်။ ထို့နောက် ထမင်းစား၍ အမေပြန်သွားသည်။ အမေပြန်သွားပြီးနောက် ဦးလေးက စပြောသည်။ မင်းအမေက မင်းကို သူပြန်သွားရင်လိုက်စေချင်တယ်တဲ့။ မင်းဘယ်လို သဘောရလည်းဟုမေးသည်။ သူမဖြေပဲ စဉ်းစားပါဦးမည်ဟုပြောသည်။ ထိုညသည် အိပ်စက်ခြင်းကို ချက်ချင်း မလုပ်နိုင်သော ညဖြစ်သည်။ ပြန်လိုက်သွားလျှင် ကောင်းမည်ဟု စဉ်းစားမိသည်။ ဘာဖြစ်လို့တုန်းဆိုတော့ ဒီမှာ ရှိ နေသူများကို ကြာတော့ အားနာလာသည်။ ကိုယ်နှင့်ဆွေမျိုးတော်စပ်သည်ဟု ဆိုသော်လည်း သူသည် ဘာမှ မယ်မယ်ရရ မလုပ်ပဲ ထမင်း အလကားစားနေသလို ဖြစ်နေသည်။ ဒီကြားထဲ သောက်သောက်စားစား လုပ်လာလျှင် အနားတွင် ရှိသောသူများအား အကောင်းမနေရအောင် ပြဿနာက ရှာချင်သေးသည်။ ပြဿနာရှာသည်ဆိုသည်က စကားများစွာ ပြောခြင်းဖြစ်သည်။ ထိုအရာ အားလုံအတွက် သူတို့ကို အားနာသည်။ ထိုကြောင့် နောက်နေ့တွင် အမေပြန်ပါကာ လိုက်မည်ဟု ပြောလိုက်သည်။ အမေနှင့် တရက်အတူ အနေ၍ ရန်ကုန်သို့ ပြန်ပါလာခဲ့သည်။


အင်းစိန်ဘူတာရုံသို့ ရထားသည် ၈ နာရီ ခွဲခန့်တွင် ၀င်သည်။ မီးအရောင်လင်းလင်းထင်းထင်း မြင်တော့ အနည်းငယ်ပင် ကြောင်သလိုလို ဖြစ်နေသည်။ ၆ လကျော်နေခဲ့သော ရွာလေးတွင် ဗီဒီယိုရုံမှ မီးစက်မီးနှင့် အိမ်မှဘက်ထရီမှ တပါး မီးချောင်း မီးလုံးအလင်းရောင်ဆိုသည်မှာ မမြင်ရတာ ကြာချေပြီဖြစ်သည်။ ခုတော့ မီးချောင်းမီးရောင၊် မီးလုံးမီးရောင်များတင်မဟုတ်။ ကားမီးရောင် ဟေလိုဂျင်မီးလုံးရောင် ၊ မာကျူရီမီးလုံး ရောင်များဖြင့် ရွှေရောင်တဖျက်ဖျက်လတ်နေသော နေရာသို့ ရောက်သဖြင့် စိတ်ထဲ အဆန်းလိုလိုတောင်ဖြစ်သွားသည်။ ကိုယ့်ဟာကိုယ်ပင် သူများမြင်အောင်ပြုံးမိသေးသည်။ လာကြိုမည့်သူ မည်သူ့မျှမရှိသဖြင့် ဘူတာရုံနောက်ဘက် ဘက်စ်ကားဂိတ်မှ အိမ်ရှိယာ မြို့ထဲသို့ ဘက်စ်ကားစီ၍ပင် လာလိုက်သည်။ သမိုင်းလမ်းဆုံရောက်တော့ စိတ်ထဲ ပျော်သလိုလိုတောင်ဖြစ်လာသည်။ ခံစားချက်မှာ သူများရွာ ဇာတ်ပွဲသွားတုန်း လူများများစုစု မြင်သဖြင့် ပျော်သလိုမျိုးဖြစ်သည်ဟု ထင်သည်။ ဒီမှာက မီးများပင် ထိန်ထိန်သာသေးသည်။ လသာသာနှင့် တော့ အတော်ကွာပါသည်။ တကယ်တော့သူသည် လရောင်အောက်နှင့် မာကျုရီမီးရောင်အောက် ဘယ်အရာကို ပို၍ ပျော်မည်ထင်သလဲ ကိုယ့်ဟာကိုမတွေးနိုင်သေးပါ။ ကဗျာဆန်ဆန်တော့ လရောင်အောက်မှ ခဏပျော်ချင်ပေမည်။ ဒါပေမဲ့ ဒါဟာ သင့်တော် ဆီလျော်သော ဘ၀တစ်ခု မဟုတ်မှန်းသိသည်။


အိမ်ပြန်ရောက်၍ တစ်နေ့နှင့် တစ်ညနေသည်။ နောက်တစ်နေ့ပင် ပါခဲ့သော အထုပ်လေးအတိုင်းဆွဲ၍ သူငယ်ချင်းတစ်ယောက်အိမ်သို့ ထွက်ခဲ့သည်။ ထိုသူငယ်ချင်းအိမ်မှာပင် ၂ ပတ်ကျော်ကျော်လောက်နေခဲ့သည်။ အရာအားလုံးကို အိပ်မက်လိုလို ရုပ်ရှင်ပြကွက်များလိုလို ဟု မရေမရာခံစားမိနေသည်။ မည်သူ့မှ သူ့အတွက်မရေရာ။ သူ့ဟာသူလည်း မရေရာ။ ဘ၀က ထိုချိန်ထိ စမှန်း မစမှန်း မသိသေးချေ။ သူသည် အဲ့ဒီအချိန်တွင် သူတစ်ယောက်ဖြစ်နေသလို ခံစားရသည်။ သူငယ်ချင်းနှင့်အတူနေသော်လည်း ကြာသော်အခါ အားနာလာ၍ နောက်တစ်ယောက်အိမ် ပြောင်းနေသည်။ အလုပ်အကိုင်တစ်ခုလုပ်ဖို့ စဉ်းစားမိပြီး နီးစပ်ရာ အလုပ်လေးများ လျှောက်လျှင်ကောင်းမည် ဟုကြံစည်မိလာသည်။ သို့နှင့် အလုပ်တစ်ခုအား ပထမဦးဆုံးစလျှောက်ရာ ကံအားလျော်စွာ တစ်နေ့ ၁၂၀၀ ဖြင့် နေ့စားအလုပ်သမား လေးတစ်ယောက်ဖြစ်လာသည်။ ဘ၀သည် ခုမှပင် ပီပီပြင်ပြင်စတော့သည်။


နောက်တစ်ပိုင်းအား စိတ်ပါလျှင် ဆက်လက်ရေးသားမည်။ အားလုံးကိုကျေးဇူးတင်ပါသည်။


မုဒိတာပွားနိုင်ကြပါစေ…..


ဖိုးသူတော်

၅.၂.၂၀၁၀

၃နာရီ ၂၀ မိနစ်

Photo Source : Internet