ငါ့ကိုငါမြင်ခြင်း

ငါ့ကိုငါမြင်ခြင်း

စကြာဝဠာကြီး အကြောင်းမသိခဲ့သလို

မင်းအကြောင်းလည်း မသိခဲ့ဘူး..

ဒါပေမဲ့..

ကြယ်တွေ ကြွေလို့ လက်ခနဲ့ဖြစ်သွားတာထက်

မင်းမျက်စောင်းတစ်ချက် ကို ဆုတောင်းတယ်။

အသံမဲ့ တိတ်ဆိတ်ခြင်းထက်

စပီကာတွေ အော်ဟစ်တာကို

လိုလားခဲ့တယ်။

ရက်ပ် သီချင်းတစ်ပုဒ်က စာသားတွေလို

ဟိုဘက် တိုးတိုးပြီး ကကြည့်ချင်တယ်။

ဇင်ယော်တွေ မြင်ရပြီ..

ကမ်းခြေနဲ နီးနီးလာပြီ..

မင်းအသံ ကြားနေရပြီ….

လှိုင်းတွေ အဝေးက ပြေးပြေးလာနေတယ်..

ကမ်းခြေကတော့ သူ့ဟာသူ ခပ်အေးအေးပဲ..

မုန်တိုင်းထန်မဲ့ အချိန်တွေ

မလာသေးခင် လေပြည်တွေ တိုက်နေတက်တယ်..

မုန်တိုင်းစဲသွားရင်လည်း လေပြည်တွေ လာဦးမှာ..

တကယ်တော့..

မုန်တိုင်းဆိုတာ လေပြည်ကြားက

နတ်မိစ္ဆာကြီးပဲ…

ငါ့အသက်ဝိဉာည်ကို လာယူလည့်ပါ

အနာဂတ်တွေ မဖြစ်ချင်တော့ဘူး..

အသက်ရှုဖို့ ခဲယဉ်းနေတယ်

အဝေးက အသံသဲ့သဲ့ကြားနေရတယ်..

ဘာဖြစ်လို့ ခေါင်းလောင်းသံတွေတိုးသွားတာလည်း

မြစ်ထဲက တံငါအိုက ကွန်ပစ်မပျက်ပါဘူး..

ငါ… ရေလိုပဲ ပျောက်သွားတယ်..

ငြိမ်းချမ်းပြီးပေါ့……….။ ။

နက်ဖန်တွေဆိုတာ မျှော်လင့်ချက် ရှိသူတွေ ရဲ့ အိပ်မက်မဟုတ်တဲ့ အိပ်ယာထ လက်ဆောင်တွေ ဖြစ်ပါတယ်။

သူတော် ( ၁၀.၆.၂၀၀၉)

၁၈ နာရီ ၀၃ မိနစ်..