Friday, October 28, 2011

The sunset of 2011, The very first Blog post

၂၀၁၁ နေ၀င်ချိန် အစောဆုံး ဘလော့ဂ်ပိုစ့်

၂၀၁၁ ခုနှစ်ကလည်း လွန်ခဲ့ပီးသော နှစ်တွေလိုပဲ ကုန်ဆုံးပါတော့မယ်။ ဒီနှစ်ထဲမှာ ဖြစ်ခဲ့တဲ့ အဖြစ်အပျက်တွေကလည်း မနဲမနောပါပဲ။ ကိုယ်ရေးကိုယ်တာ၊ လူမှုရေး၊ စီးပွားရေး၊ နိုင်ငံရေး၊ ကမ္ဘာ့အရေးအခင်း တွေကစလို့ အစုံပါပဲ။

နိုင်ငံရေးကတော့ စိတ်ဝင်စားတာလည်း တပိုင်း၊ ဒီမှာဘက် နှစ်မှာ မြန်မာနိုင်ငံ အနေနဲ့ သမ္မတ နိုင်ငံနဲ့၊ လွှတ်တော် ပြန်လုပ်တာ တပိုင်း အတော်လေးအပြောင်းအလဲ ဖြစ်သွားပီး စိတ်ဝင်စားဖို့ ကောင်းလာပါတယ်။ ဒီလို အခြေအနေမျိုးမှာ နိုင်ငံသားတယောက်အနေနဲ့ တဖက်တလမ်းက ဝေဖန်တာ၊ စောင့်ကြည့် အကဲဖြတ်တာ၊ ရှုံချဆန့်ကျင်တာ ၊ ချီးကျူးဂုဏ်ပြုတာ စတာတွေကို လူအနည်းနဲ့အများဆိုသလို သိရှိအောင် ဖော်ပြပေးလို့ရတဲ့ မီဒီယာကတော့ ဘလော့ဂ်တွေလို့ ဆိုလိုချင်ပါတယ်။

ခေတ်ရဲ့ စီးကြောင်းအရ ပုံနှိပ်ထုတ်ဝေတဲ့ သတင်းစာ၊ ဂျာနယ်၊ စာနယ်ဇင်းများအပြင် အင်တာနက်ပါ ဒီမှာဘက်ပိုင်းတွေမှာ တော်တော်လေး သုံးလာတော့ လွယ်ကူသက်သာ အချိန်မကုန်တဲ့ အင်တာနက် မီဒီယာ ပိုင်းကို ကျနော်တို့ အနေနဲ့ ရွေးချယ်လာတာ မဆန်းပါဘူး။

ဟို တုန်းက သတင်းစာ တစောင်ရဲ့ အယ်ဒီတာဟာ အယ်ဒီတာ အာဘော်လို ဟာမျိုးနဲ့ ရေးသား ထုတ်ဝေလေ့ရှိပါတယ်။ ဥပမာ ပြရရင် ဦးသိန်းဖေမြင့်ရဲ့ ဗိုလ်တထောင်သတင်းစာ သောင်းပြောင်းထွေလာ ကဏ္ဍပေါ့လေ။ ဒါမျိုးကို သဘောကျပါတယ်။ သူက အယ်ချုပ်ဆိုတော့ သူ့သတင်းစာမှာ သူ့ဟာသူ သောင်းပြောင်းထွေလာ (ဘလော့ဂ်) ရေးနိုင်ပေမဲ့ ကိုယ်က ဘာမှ မချုပ်တော့ ကိုယ့် သတင်းစာမှာ ကိုယ်ရေးရတော့မပေါ့။း)

အခုလို အခြေအနေဖြစ်လာတဲ့ ခေတ်အခါသမယမှာ ကိုယ့်နေစဉ် သတင်းစာတိုက်က ဖော်ပြခွင့်ရနေပါပီ။ ၂၀၁၁ နေ၀င်ချိန်လောက်မှာ မှ ပြန်စ ရေးသေးလဲ အချိန် နောက်မကျဘူးလို့ ယူဆပါတယ်။ ကျနော့် သတင်းစာတိုက်လေး ပြန်ဖွင့်ပါပီလို့ ဖွင့်ပွဲလေး လုပ်ပါတယ်။

အရင်လို ခံစားချက် ကဗျာတွေ၊ အက်ဆေးတွေထက် အပြုသဘောဆန်တဲ့ နိုင်ငံရေး၊ လူမှုရေး ဝေဖန်ချက် (အလွတ်သဘော- ကိုယ်ပိုင်အာဘော်း) တွေ ပိုများလာမလားလို့ ကိုယ့်ဟာကိုယ် စောကြောမိပါတယ်။

ဘလော့ဂ်ဖတ် မိတ်ဆွေတွေလဲ ဖတ်ရှု့ဖြစ်ရင် သူ့အမြင် ကိုယ့်အမြင်လေးတွေကို ပွင့်လင်းမြင်သာစွာ ပြန်လည် ရေးသားနိုင်ပါပီ။

ခုတော့ ပဏမ မိတ်ဆက်ဆိုတော့ ဒီမှာပဲ တော်ပါဦးမယ်။

ကျေးဇူးတင်ပါတယ်။

ဖိုးသူတော်
၂း၂၀ မိနစ်
၂၈.၁၀.၂၀၁၁

Photo Source : Internet 

2 comments:

Maribel Artaste said...

Hi!Great and interesting blog you have:) Come and visit my site too. http://ads.com.mm/?cid=4fd60e65e4b0fa6db841e338&utm_campaign=ads_mm_lb_blog_martaste&utm_source=ads_lb_blog&utm_medium=lb_blog

Anonymous said...

အစ်ကို့စာလေးတွေက
ဖတ်လို့ကောင်းပါတယ်
ဆက်ရေးပေးပါ
အားပေးနေပါတယ်..