၃ လပြည့်

ဒီနေ့ 16.12.07 ဆိုရင်ကျွန်တော့် ဘလော့ လေး ၃ လ ပြည့်ခဲ့ပါပြီ။ ပထမဆုံး ဖတ်ဖူးတဲ့ ဘလော့ က ချစ်သူလေးရဲ့အိပ်မက်များ ဖြစ်ပါတယ်။ အဲ့ဒီက မှတဆင့် ပင့်ဂိုး နောက်ပြီးတော့ ကိုရန်အောင် ဆိုသူတို့ရဲ့ ဘလော့တွေ ကိုဖတ်ဖြစ်လာတယ်။ ချစ်သူလေး နဲ့ ပင့်ဂိုး တို့ ဘလော့တွေ ဖတ်တုန်းက ကျွန်တော် ဘလော့ ကိုမလုပ်ဖြစ်သေးပါဘူး။ စက်တင်ဘာလ မှာ ဘလော့ တွေတော်တော်လေး ဖတ်ဖြစ်လာတယ်။ ဘလော့တစ်ခုက ပေးတဲ့ အင်ဖော်မေးရှင်းဟာ အခြေအနေ မှန်ကလာတဲ့ သတင်းအမျိုးအစား ဖြစ်နိုင်ပါတယ်။ ဘလော့တွေနဲ့ ဘလော့ဂါတွေ ရဲ့ သဘောထားတွေကို တဖြည်းဖြည်း သိမြင်လာပါတယ်။ ဘလော့ဆိုတာ ကျွန်တော်အမြင် လူတစ်ဦးတစ်ယောက်၊ တစ်စုတစ်ဖွဲ့ရဲ့ note book စာအုပ်တစ်အုပ်ပါ။ အဲ့ဒီ note book ကို အခြားသူများကို ဖွင့်ဖတ်စေခြင်း ဖြစ်ပါတယ်။ တစ်ချိန်တည်းမှာပဲ အဲ့ဒီလူနဲ့ အဲ့ဒီ အချိန်ဖြစ်ပျက်နေတဲ့ အကြောင်း အရာတွေ ပါနိုင်ပါတယ်။ note book ထဲမှာ သူရဲ့ ခံစားချက် စိတ်ကူးစိတ်သန်း တွေပါမယ်၊ ကဗျာတွေပါမယ်၊ မှတ်သားစရာလေးတွေ ပါမယ်၊ သီချင်းအတိုအထွာ လေးတွေပါမယ်၊ ရုပ်ပုံကားချက်လေးတွေ ပါမယ်၊ နေ့စဉ်မှတ်တမ်းလို ဟာလေးတွေပါမယ်၊ သူနဲ့သက်ဆိုင်တဲ့ အထိမ်းအမှတ် ဖြစ်တဲ့ဟာ စတာလေးတွေ ပါနိုင်ပါတယ်။ ဒါပေမဲ့ နောက်ပိုင်းမှာတော့ ဒီထက်ကျယ်ပြန့်တဲ့ လုပ်ဆောင်ချက် တွေနဲ့ ပိုမိုကျယ်ပြန့်တဲ့ ဖန်တီးမှု တွေဖြစ်လာနိုင်ပါတယ်။

ဒီလိုပဲ ဘလော့ဖတ်တဲ့သူတွေကလည်း ရေးတဲ့သူရဲ့ အကြောင်းအရာလေး တွေကို သိမြင်နိုင်မယ်။ မျှဝေခြင်းကို ခံစားနိုင်မယ်၊ မှတ်သားနိုင်မယ်။ ဘလော့ရေးတဲ့ သူအချင်းချင်းလည်း တစ်ဦးနဲ့တစ်ဦး ခံစားနားလည် နိုင်ပြီး ရင်းနှီးမှုတွေ ဖြစ်လာစေနိုင်တယ်။ ဘလော့ရေးတဲ့ သူအချင်းချင်းမြင်ဖူးချင်မှ မြင်ဖူးကြလိမ့်မယ်။ ဒါပေမဲ့ သူမှတ်တမ်းစာအုပ် ကိုယ်ဖွင့်၊ ကိုယ့်မှတ်တမ်းစာအုပ်သူဖွင့် ရင်းနဲ့ ရင်းနှီးလာကြလိမ့်မယ်။ အဲ့ဒီမှာ ပိုကောင်းတဲ့ အကြံအစည်တွေ ဖြစ်ထွန်း လာနိုင်တယ်။ သူ့သန်ရာသန်ရာ တူရာတူရာပေါ့။ ပညာရေးကို စိတ်ဝင်စားတဲ့သူတွေ များလာရင် အနာဂတ် ပညာရေးကို ဘယ်လိုပုံဖော်ကြ မလဲဆိုတဲ့ အတွေးသစ်စိတ်ကူး တွေရလာနိုင်တယ်။ ထိုနည်းတူ ကျမ်းမာရေး၊ နိုင်ငံရေး၊ စီးပွားရေး၊ နည်းပညာ၊ အနုပညာအားလုံးတူရာတူရာလူတွေ စုစည်းမိမယ်ဆိုရင် သူ့အမြင်ကိုယ့်အမြင် ဖလှယ်ကြမယ်ဆိုရင် ပိုကောင်းတဲ့ အတွေးအခေါ် အယူအဆ အသစ်တွေဟာ ဒီဘလော့တွေ ထဲကိုပဲထွက်လာနိုင်ပါ တယ်။ အဲ့ဒီအတွက်ကြောင့် ပိုမိုကြီးမားကျယ်ပြန့် တဲ့ blog sphere တစ်ခုဖြစ်လာ ဖို့လိုအပ်ပါတယ်။ ကျွန်တော် အရင်ဘလော့ရေးတဲ့သူတွေ ကျွန်တော်နဲ့အတူတူ ရေးတဲ့သူတွေကော ကျွန်တော် နောက်မှ ရေးတဲ့သူတွေ ကိုကောလေးစားပါတယ်။

ကျွန်တော့် ရဲ့မှတ်တမ်း စာအုပ် ကိုဖတ်တဲ့သူ တွေအားလုံးကို ကျေးဇူးတင်ပါတယ်။ ၃ လ သားမှတ်တမ်း စာအုပ်ပါးပါးလေးမှသည် အများအတွက် အသုံးဝင်သော မှတ်တမ်းအထူကြီးဖြစ်အောင်ကြိုးစားသွားပါမည်။

ဖိုးသူတော်