အရှေ့ဘက်သို့ ခရီးသွားမှတ်တမ်း
ခေါင်းရင်းပြတင်းပေါက်ကို ဖွင့်ကြည့်လိုက်တော့ တောင်တန်းကြီင်္း တစ်ခုကိုမှိုင်းပြပြမြင်ရတယ်။ ရင်ထဲမှာတစ်ခုခုကို လွမ်းသလိုလို.. အဲ့ဒီတောင်တန်းကြီး ဆီကိုပဲ ရောက်အောင်သွားချင် သလိုလိုဖြစ်လာတယ်။ မြေနီလမ်းကနေ ပအို့ပ် တိုင်းရင်းသူအချို့ တောင်းတွေကို ကျောမှာပိုးပြီးလာနေတာကို မြင်နေရတယ်။ သဘာဝပန်းချီကား တစ်ခုလိုပါပဲ။ တောင်ကြီးမြို့ကို လှမ်းကြည့်လိုက်တော့ ဟိုးအဝေးအမြင့်မှာ အေးဆေးငြိမ်သက်နေတယ်။ လေထဲကနေမိုးရွာမဲ့ အငွေ့အသက်ကိုရနေတယ်။ နှာခေါင်းကိုရေငွေ့ပါတဲ့လေအေးကလာတိုက်တယ်။ စီးကရက်တစ်လိပ်ကို မီးညှိပြီးဖွာလိုက်တယ်။ စိတ်ထဲမှာ သီချင်းလေးတစ်ပုဒ်ကို တိုးတိုးလေရွတ်နေတယ်။ စီးကရက်မကုန်ခင်မိုးကရွာချတယ်။ မှန်ပြတင်းကိုပြန်ပိတ်ပြီး အထဲကနေမိုးရွာတာကို ကြည့်နေတယ်။ အရာအားလုံးဟာမိုးသံမှတပါး တိတ်ဆိတ်နေတယ်။
ဒီလိုနဲ့ပဲ ကုတင်ပေါ်လှဲပြီးအတွေးတွေကိုဖြန့်ကျက်နေမိတယ်။ နှိုးသံကြားမှ ထလိုက်တော့ညနေစောင်းနေပြီ။ လှဲနေရင်းနဲ့အိပ်ပျော်သွားတာကိုး။ ထပြီးရေချိုးထမင်းစားပြီး သူငယ်ချင်းနဲ့အတူ လမ်းလျှောက်ထွက်ခဲ့ကြတယ်။ လက်ဖက်ရည်ဆိုင်လဲ သွားရင်းနဲ့ပေါ့။ မိုးရွာထားလို့ လမ်းတွေအနည်းငယ် စိုစိုစွတ်စွတ် ဖြစ်နေတာ လွဲလို့လျှောက်ရတာ အဆင်ပြေပါတယ်။ မြေနီလမ်းက အရောင်တောက်နေတယ်။ လက်ဖက်ရည်ဆိုင်မှာ အချိန်ဖြုန်းပြီးပြန်လာတော့ ၇နာရီထိုးနေပြီ။ မနက်စောစောထရမှာမို့ စာအုပ်တစ်အုပ်ဖက်ပြီး အိပ်လိုက်တယ်။ ဒါတောင် ၉ နာရီထိုးသွားသေးတယ်။
မနက်ခင်းရောက်တော့ အေးသာယာဈေးကို အရင်သွားတယ်။ ဈေးထဲမှာ ရှမ်းခေါက်ဆွဲစား ၀ယ်စရာရှိတာတွေ ၀ယ်ပြီး ညောင်ရွှေကိုထွက်လာခဲ့တယ်။ ညောင်ရွှေ အင်းလေး မော်တော်ဆိပ်ကိုရောက်တော့ မော်တော်ငှားပြီး နာမည်ကျော် အင်းလေးဖောင်တော်ဦး ဘုရားကိုသွားဖူးတယ်။ လမ်းမှာကျွန်းမျှော စိုင်ခင်းတွေကို တွေ့တယ်။ အရင်ကစာထဲမှာပဲ သင်ရတာ တစ်ခါမှမတွေ့ဖူးဘူး။ အခုမှတွေ့ဖူးတာပါ။ ညောင်ရွှေမော်တော်ဆိပ်ကနေ အင်းလေးဖောင်တော်ဦး ဘုရားကို မော်တော်စီးရတာ ၅၅ မိနစ်ကြာတယ်။ ဘုရားရောက်တော့ ဘုရားဝတ်ပြုပြီး ဘုရားကိုရွှေသင်္ကန်း ကပ်လှူပူဇော်တယ်။ ပြီးတော့ဘုရားပုရ၀ုဏ် ကိုတစ်ပတ် ပတ်တယ်။ နေ့လည်စာကို ဘုရားမှာပဲ စားလိုက်တယ်။ နေ့လည်စာစားပြီး ဗိုလ်တဲဘက်ကို သွားကြည်တယ်။ ထူးထူးဆန်းဆန်း ဘာမှမတွေ့ခဲ့ပါဘူး။ ငါးတွေမွေးထားတာပဲ တွေ့တယ်။ မော်တော်စီးရင်း ရှေးဟောင်းဘုရားတစ်ဆူ ကိုဝင်ဖူးခဲ့သေးတယ်။ အင်းထဲမှာပဲ ကျွန်းတိုင်လုံးကြီးတွေနဲ့ ဆောက်ထားတဲ့ ရှေးဟောင်းဘုန်းကြီးကျောင်း ကိုလဲဝင်သေးတယ်။ ဆရာတော်ကို ဒါနပြုပြီး ဘုန်းကြီးကျောင်းကို လျှောက်ကြည့် တယ်။ ဘုန်းကြီးကျေင်းမှာ ကြောင်လိမ္မာလေးတွေ အများကြီးရှိတယ်။ မုန့်ဗူးလေးကို ဂလောက်ဂလောက် လုပ်ရင် ပြေးလာကြတယ်။ ပြီးတော့ သူတို့မေးစေ့လေးကို ကွင်းပါတဲ့ တုတ်တံလေးနဲ့ ပွတ်ပေးရင် ကွင်းထဲကို ခုန်ခုန်ဝင် သွားကြတယ်။ ဆက်ကပ်ထဲက အတိုင်းပဲ။ ဒါနဲ့ပဲ ဘုန်းကြီးကျောင်းက ပြန်လာခဲ့တယ်။ အင်းလေးဈေးနေ့ မဟုတ်လို အင်းထဲမှာ သိပ်စည်စည်ကားကား မဟုတ်ဘူး။ ဓာတ်ပုံထဲမှာမြင်ဘူးတဲ့ ခြေထောက်နဲ့ လှေလှော်ပြီးကွန်ပစ် နေတဲ့ပုံလိုမျိူး လှေတစ်စင်း တွေ့တယ်။ အင်းလေက ပြန်လာပြီး ပင်းတယ ရွှေဥမင်လိုဏ်ဂူ ကိုသွားတယ်။ လိုဏ်ဂူထဲ မ၀င်ခင် အလှူငွေထည့်ပြီး ဧည့်လမ်းညွှန်တစ်ယောက် ကိုခေါ်ခဲ့တယ်။ ဧည့်လမ်းညွှန်က တော်တော်လေး ရှင်းပြပါတယ်။ လိုဏ်ဂူထဲမှာ ခေတ်အဆက်ဆက်က တည်ထားခဲ့တဲ့ မုဒြာအမျိုးမျိုး နဲ့ဆင်းတုတော်ပေါင်း ၈၀၉၄ ဆူရှိပါတယ်။ ကျောက်စက်ပန်းဆွဲ၊ နတ်ရေတွင်း၊ ဆင်ခြည်တိုင် မြင်းခြည်တိုင်၊ ကျောက်မောင်း စတာတွေကို လည်းတွေ့ခဲ့တယ်။ လိုဏ်ဂူတစ်လျှောက် မီးချောင်းတွေ ထွန်းထားပြီး ကြမ်းပြင်က ကြွေပြားတွေ ခင်းထားတယ်။ သွားတဲ့ရာသီက မိုးတွင်းဆိုတော့ လိုဏ်ဂူထဲ မှာအစိုပြန်ပြီး ကြွေပြားတွေက ရေတွေနဲ့ ချောစိစိဖြစ်နေပါတယ်။ ထူးဆန်းတာက လိုဏ်ဂူထဲမှာ တစ်ခြားဘုရားဖူး အဖွဲ့မရှိပဲ ကျွန်တော်တို့ တစ်ဖွဲ့ပဲရှိပါတယ်။ လိုဏ်ဂူအဆုံးမှာ အင်္ဂတေနဲ့ ပိတ်ထားတဲ့ နေရာတစ်ခု ရှိပါတယ်။ ဟိုတုန်းက အပြောအရဆိုရင် အဲ့ဒီနေရာက ၀င်သွားရင် ပုဂံပြည်အထိ လမ်းပေါက်သတဲ့။ ဟုတ့်မဟုတ် တော့မသိပါဘူး။ အဲ့ဒါကို စမ်းတဲ့အနေနဲ့တဲ့ ကိုရင်လေးတစ်ပါး ခွေးတစ်ကောင်နဲ့ အတူဝင်သွားဖူးတယ်တဲ့။ ပြန်တော့ထွက်မလာဘူးတဲ့။ ဒေသခံဧည်လမ်း ညွှန်ကပြောပြတာပါ။ ဒဏ္ဍာရီတစ်ခုလိုထင်ပါတယ်။ အခုတော့ အင်္ဂတေ တွေနဲ့ပိတ်ထားတယ်။ အပြန်မှာဈေးတန်း တွေခဏ၀င်ပြီး ခေါပုတ်ကြော်နဲ့ ရေနွေးကြမ်း ၀င်စားလိုက်ပါတယ်။ ကုံလုံဆရာတော် ကြီးရဲ့ကျောင်းတိုက်ကို သွားရောက်ပါသေးတယ်။ စံကျောင်းကို သွားတဲ့ ပင်းတယ အ၀င်လမ်းဟာအရမ်း ကဗျာဆန်ပါတယ်။ ကျွန်တော်ကတော့ သဘောကျပါတယ်။ ဆရာတော်ကြီး ကျောင်းကို ရောက်တော့ ဆရာတော်ကြီးကျိန်းနေတယ် ဆိုတာကြောင့်မဖူးခဲ့လိုက် ရပါဘူး။ ဆရာတော်ကြီးကျောင်းက အပြန်နာမည်ကျော် ပုတ်တလုပ် ရေကန်နား မှာ ကားခဏ ရပ်ပြီးငေးလိုက်ပါ သေးတယ်။ စိတ်ကူးထဲ မှာတော့ ဒွေးမယ်နော် တို့ ညီအမ တွေရေချိုးနေတာ တွေ့ပါတယ်။
အေးသာယာ ပြန်ရောက်တော့ မိုးချုပ်နေပါပြီ။ နောက်နေ့ မှာအေးသာယာ ဂေါက်ကွင်းကို သွားလည်ပါတယ်။ လည်လို့ကောင်းတဲ့ နေရာလေးပါ။ တောင်ကြီးကိုတော့ ညနေပိုင်းတွေ သွားဖြစ်ပါတယ်။ ဆိုက်ကယ် လျှောက်စီးတာ ပါ။ စူဠာမဏီ ဘုရားကို သွားအဖူး ဘုရားကုန်းတော်ပေါ် မရောက်ခင် မော်တော်ပီကယ် တွေ့လို တစ်ယောက်က ဆင်းလျှောက်ရသေးတယ်။ ဦးထုပ်လည်း ဆောင်းမထားဘူးလေ။
အေးသာယာ မှာထိုင်နေကြ လက်ဘက်ရည်ဆိုင် တစ်ဆိုင်ရှိတယ်။ ကားဝင်းဘက်မချိုးခင် ညာဘက်ကဆိုင်လေးပါ။ ဆိုင်ကကြီးပါတယ်။ ထိုင်ခုံတွေက ရန်ကုန်ကလို မဟုတ်ပါဘူး။ ခြေထောက်တိုင်တွေ ကိုပွတ်လုံးတွေနဲ့ လုပ်ထားပါတယ်။ ပေါလစ်တွေ သုတ်ထားတယ်။ အသစ်တွေပါ။ တစ်ခုထူးဆန်းတာက လက်ဘက်ရည်ဆိုင်က အမျိုးသမီးလေးတွေ လက်ဘက်ရည်မှာ တာပါ။ ကျွန်တော်က ပေါ့ဆိမ့် လို့မှာရင် သူတို့က ကျွန်တော်နားမလည်တဲ့ စကားတစ်မျိုးနဲ့ မှာတယ်။ ဘာစကားလည်းတော့ မသိဘူး။ ဒါပေမဲ့ လာချတော့ ပေါ့ဆိမ့် ပါ။ အေးသာယာ မှာနေတာ ၂ ပါတ်ကြာတယ်။ နေလို့ကောင်းတဲ့မြို့လေး တစ်မြို့ပါ။ အတွေ့အကြုံ ဗဟုသုတ တွေ အများကြီး ရပါတယ်။ ကျွန်တော်နေထိုင် စဉ်အစစအရာရာ အကူအညီပေး ခဲ့ တဲ့ ပုဂ္ဂိုလ်တွေအားလုံး ကိုအထူးကျေးဇူးတင် ရှိပါတယ်။
ခရီးသွားဆောင်းပါးလေးကို ဖတ်သော မိတ်ဆွေတွေကို လည်း ကျေးဇူးတင်ပါတယ်။
၂၀၀၂ ခုနှစ် မိုးတွင်းကြီး သွားခဲ့တဲ့ ခရီးတစ်ခု ဖြစ်ပါသည်။
ဖိုးသူတော်
No comments:
Post a Comment