ဓာတ်ပုံကို ဤနေရာ ရယူပါသည်။
မနေ့က ၆.၃.၀၉ သောကြာနေ့ ညချမ်းတွင် ရန်ကုန်တိုင်း အင်းစိန်မြို့နယ် ၁၀ မိုင်ကုန်း လူငယ်များ၏ တတိယအကြိမ်မြောက် ဓမ္မပူဇာတရားပွဲများ ကျင်းပရာ နောက်ဆုံးနေ့ တွင် ဟောပြောမည့် ရဟန်းတော်မှာ အရှင် ရာဇိန္ဒ (ရဝေနွယ် -အင်းမ ) ဖြစ်ပါတယ်။ ကျွန်တော်လည်း အပြင်က ပြန်လာတာ ၁၀ မိုင်ကားဂိတ်ရောက်တော့ သူငယ်ချင်းတွေက တရားပွဲသွားမယ်ပြောတာနဲ့ လိုက်သွားဦးမှ ဆိုပြီ တရားပွဲကို သွားခဲ့ပါတယ်။
တရားပွဲရောက်တော့ စတောင် ဟောနေပြီ။ ဘုန်းကြီးလဲ ခရီးပန်းလာတယ်လို့ပြောတယ်။ မုံရွာကနေ မန်းလေး မန်းလေးက နေ ရန်ကုန် ပြန်လာရလို့ တရားပွဲကို တစ်နာရီခွဲလောက်ပဲဟောပြီး ၁၀ နာရီ မခွဲခင် သိမ်းသွားပါတယ်။
တရားခေါင်းစဉ်က ယုံယုံမယုံယုံ ကံကိုယုံ တဲ့॥
ကျွန်တော် ရောက်ရောက်ချင်းချင်း ဟောနေတာက ရုပ်မလှ ရင် အတိတ်ကုသိုလ်ကံက အကျိုးမပေး။ ဒါကြောင့် ရုပ်လှအောင်လုပ်ရမယ်။ ရုပ်လှချင်ရင် ဂုဏ်တော်ကို များများပွားရမယ်။ နောက်ပြီး အလှပြင်ဆိုင်သွားရမယ်တဲ့ ။ နောက်တစ်ခုက မင်းဆိုးမင်းယုတ်တွေ အုပ်ချုပ်နေရင်လည်း အတိတ်ကုသိုလ်ကံက အကျိုးမပေးနိုင်ပါဘူး ဆိုပြီး သီဟိုဠ် ကျွန်းက ဇာတ်လမ်းတစ်ပုဒ် ကို ဥပမာပေးပြီး ဟောသွားပါတယ်။ ရခဲ့လှတဲ့ လူဘ၀မှာ ၀ိပဿနာ တရားကိုလည်း အားထုပ်ရမယ်လို့ ဟောပါသေးတယ်။ လူတစ်ယောက်တစ်နေ့မှာ နာရီဝက်လောက် အချိန်ယူပြီးတော့ ဘုရားရှိခိုး တရားစာရွက် မေတ္တာပို့ အမျှဝေ ၀ိပဿနာ လေးပွားများရင် ကောင်းပါတယ် တဲ့။ ဘာပဲပြောပြော တရားပွဲ သွားရောက်ပြီး တရားနာရတဲ့အတွက် အသိတရားလေးတွေ ရရှိပါတယ်။ နောက်များလည်း အခါအခွင့်သင့်လို့ တရားပွဲလေးများ ရှိရင် သွားရောက်နာကြားလိုပါတယ်။
မုဒိတာပွားနိုင်ကြပါစေ…
သူတော် ( ၇.၃.၀၉) စနေနေ့
