ကိုးနာရီကျော်ဖုန်းမဆက်ရ..

ကိုးနာရီကျော် ဖုန်းမဆက်ရ
ချစ်သူ……
အချိန်ရဲ့ ကန့်သတ်ချက်တွေကို
ဘောင်တွေအဖြစ် မမြင်ပဲ
လှပတဲ့ ခံစားချက်အဖြစ်ကြည့်ခဲ့တယ်
ချစ်သူကို သိပ်ချစ်လို့ပေါ့..
အသံဆိုတာ သောတ……
ကြားချင်လှတာ ထိန်းမရ
ကြားရတဲ့ အခိုက်က ပီတိ
“ဟယ်လို” ဆိုတာက အသည်းထိ..
ကြားချင်လှတဲ့ သူအသံ..
“ဟုတ်ကဲ့ပြောပါ” နားထဲကမထွက်
ချစ်တက်တဲ့ ဒီနှလုံးသား..
နားစည်နဲ့ တိုက်ရိုက်ဆက်သွယ်ထား..
ဖုန်းခေါ်တိုင်း ရင်အစုံခုန်..
သူ့ပြန်ဖြေသံကြား..
ရင်အစုံ ၀ရုန်းသုန်းကား ဖြစ်ဖြစ်သွား…
ရှစ်နာရီခွဲ ဖုန်းလိုင်းကမအားသေး..
ကိုးမက်တင်း ဖုန်းလိုင်းရဲ့ဖြေသံ..
တူတူ သံမြည်စဲ..
ခုန်နေတဲ့ ရင်အစုံ.
တ၀က်နဲ့ပဲ ရပ်တန့်ရမှာလား…
လွှမ်းမိုးလှ ချည်လားချစ်သူ..
ကိုးနားရီကျော် ဆက်မရဖုန်း
သတိရလို့ ဆက်နေတုန်း..
ကိုးနာရီ နောက်ပိုင်းသတိမရနဲ့…
ဟုတ်ကဲ့ ချစ်သူ…..
ဖုန်းမဆက်ရပေမဲ့ သတိရလို့..
ကဗျာတော့ ရေးခွင့်ပေးပါ…
သတိရလို့ ဆက်တဲ့ဖုန်း
အလွမ်းတွေက ၀ရုံးသုန်း
ဆက်လို့မရတဲ့ဖုန်း….
ကိုးနာရီကျော် ဆက်နေတုန်း……
ဖိုးသူတော်

ကိုးနာရီကျော် ဖုန်းမဆက်ရ
ချစ်သူ..
အချိန်တွေရဲ့ ကန့်သတ်မှု
ဘောင်တွေအဖြစ် မရှုဘဲ..
နုညံ့တဲ့ခံစားချက်နဲ့ ကြည့်
သိခဲ့တဲ့ အချစ်တွေ..
သောတ ဆိုတဲ့သူ့အသံ..
အဖန်ဖန်ပြန် ကြားချင်မိ
ပီတိတွေဝေနေတဲ့အခိုက်..
အသည်းထိ လိုက်သွားတာ “ဟယ်လို”……
သူ့အသံကို ကြားချင်
နားဆင်ကာ..“ဟုတ်ကဲ့ပြော”
မျောသွားတဲ့ ကိုယ့်နှလုံးသား..
ဆက်သွယ်ထားတဲ့ ကိုယ့်နားစည်..
ရင်ခုန်မဲ့ ဖုန်းတစ်ချက်
သူ့အတွက်ဖြေဆဲ..
ဝရုန်းသုံးကား လျှံသွားတဲ့အချစ်..
အပြစ်လို့ မဆိုပါနဲ့ ချစ်သူ..
လိုင်းမအားတာ ရှစ်နာရီခွဲ..
လွဲသွားတဲ့ ကိုးမတ်တင်း
“ဟင်း” ခနဲ့သက်ပြင်းချ..
ဆက်ရင်းက တူတူမြည်..
ဖြေမစည်တဲ့ ရင်ဝ..
တစ်ဝက်တစ်ပျက်နဲ့ ရပ်တန့်ရ..
ကိုးနာရီကျော် ဆက်မရတဲ့ဖုန်း..
သတိရလို့ ဆက်နေတုန်း..
ပြုံးမနေနဲ့ချစ်သူ
အပြစ်မယူစေချင်တဲ့ ဒီစကား..
“သတိမရနဲ့” လို့တား…
“ ဟုတ်ကဲ့ပါ..ချစ်သူ..”
မူနေတဲ့ ဒီဖုန်း
သတိရလွန်းလို့ ဆက်နေတုန်း..
အမုန်းတော့ မပွားစေလို..
ပြိုနေတဲ့ ဒီအဖြစ်..
ကဗျာအသစ်တော့ရေးချင်..
အတွေးဝင် စိတ်ဆော်နှိုး..
ကိုးနာရီကျော် ဖုန်းမဆက်နဲ့..
ဒါဟာ ချစ်သူအတွက်…
ကိုသံသရာ..

အတူနေ သူငယ်ချင်း ကိုသံသရာ က ကျွန်တော့် ခံစားချက်ကို ခံစားချက်အတိုင်း ပုံစံမပြောင်း အဓိပ္ပယ်တူ နောက်တမျိုးရေးဖွဲ့ခံစား ပေးထားခြင်းဖြစ်ပါသည်။ ကျေးဇူးပါ…သူငယ်ချင်း…

To Nay Phone Latt !

နေဘုန်းလတ်သို့ ….

ဘလော့ဂ်ဂါမောင်နှမတွေအကြား ချစ်ခင်ရင်းနှီးစွာ စနောက်ကြရင်း "မြို့စားကြီးနေဘုန်းလတ်" လို့ နာမည်တွင်ခဲ့တဲ့သူ။ မနှစ်က ဒီလိုနေ့မှာပဲ "လွတ်ကျခဲ့တဲ့မြို့တော်" ဘလော့ဂ်လေးကို သူကိုယ်တိုင် အသက်သွင်းခဲ့တယ်။ ဒီနေ့ တော့ တစ်နှစ်တင်းတင်း ပြည့်သွားပြီပေါ့။ မှတ်မှတ်ရရ သူ့  ဘလော့ဂ်မှာ ပထမဆုံးတင်လိုက်တဲ့ ပို့စ်နာမည်ကလည်း "လွတ်ကျခဲ့တဲ့မြို့တော်" တဲ့။ လက်တွေ့ဘဝမှာ သူလွတ်ကျခဲ့တဲ့ စာရေးဆရာ၊ ဒါမှမဟုတ် အနုပညာသမားဆိုတဲ့ အမည်နာမတွေအတွက် သူ့ ဘလော့ဂ်ဟာ သစ္စာရှိတဲ့ လူယုံ၊ အစွမ်းထက်တဲ့ လက်နက်၊ အရိပ်ကောင်းတဲ့ ညောင်သစ်ပင်လို အသုံးတော်ခံခဲ့တယ်။ ရက်ပေါင်း ၃၆၅ ရက်အတွင်းမှာ သူ့ မြို့တော်က စာကောင်းစာသန့် ၁၂၂ ပုဒ် မွေးထုတ်ပေးခဲ့ပြီးပြီ။ ဒီစာတွေကြောင့် ဖတ်သူတွေအတွက် သုတပန်းတွေ လန်းလာခဲ့တယ် ၊ ရသလမ်းတွေ ဆန်းလာခဲ့တယ် ၊ ပညာမီးတွေ လင်းပလာခဲ့တယ် ။ သူကတော့ သတိထားမိချင်မှ ထားမိလိမ့်မယ်။

ဘလော့ဂ်ဂါတွေ အတွက် ပထမဆုံးဆိုတဲ့ စကားလုံးတော်တော်များများမှာ သူနဲ့ လွတ်ကျခဲ့တဲ့မြို့တော်လည်း ရင်းနှီးကျွမ်းဝင်ခဲ့တယ်။ ဘလော့ဂ်ပို့စ်တွေကို ပထမဆုံး ပုံနှိပ်မယ့်စာအုပ်အတွက် တက်တက်ကြွကြွနဲ့ သူ အစွမ်းကုန်ကြိုးစားခဲ့တယ်။ စာအုပ်ကိစ္စ ဆွေးနွေးပွဲတိုင်းကို မပျက်မကွက်တက်ရောက်ခဲ့သူဟာလည်း သူ တစ်ဦးတည်း ရှိခဲ့တယ်။ နောက်ပြီး ရန်ကုန်မှာ ပထမဆုံးကျင်းပခဲ့တဲ့ Blog Day Seminar အတွက်လည်း သူ ပါဝင်ခဲ့တယ်။ MRTV4 နဲ့ အခြားသော မီဒီယာတွေအကြားမှာ ဘလော့ဂ်လောက အကြောင်းကို သူချပြရဲခဲ့တယ်။ ဝေဖန်မှုတွေကို လက်ခံခဲ့တယ်။ မေးခွန်းတွေကို အပြုံးနဲ့ ဖြေကြားပေးနိုင်ခဲ့တယ်။

မြန်မာဘလော့ဂ်ဂါရပ်ဝန်းမှာ ဓလေ့ထုံးတမ်းတစ်ခုရှိတာက ဘလော့ဂ်တစ်ခု ဒါမှမဟုတ် ဘလော့ဂ်ဂါတစ်ယောက်ရဲ့ အထိမ်းအမှတ်နေ့တွေမှာ အထူးရေးသားတဲ့ ပို့စ်တွေ တင်တတ်ကြတယ်၊ သူငယ်ချင်းတွေက လာနှုတ်ဆက်ကြတယ်၊ Comment တွေ ချီးမြှင့်ကြတယ်။

ဒီနေ့ သူ့ ရင်နဲ့ တည်ထားတဲ့ မြို့တော်ကြီး တစ်နှစ်ပြည့်တယ်။ ခုလိုအချိန်မှာ သူသာ လွတ်လွတ်လပ်လပ်ရေးသားခွင့်ရမယ်ဆိုရင် သူ့ဘလော့ဂ်အတွက် အထိမ်းအမှတ်ပို့စ်တင်မယ့် အစီအစဉ်ရှိမယ်ဆိုတာ အသေအချာပဲ။ ဒါပေမယ့် သူ … ဘယ်မှာလဲ ။ သူရေးမယ့် ပို့စ်မှာ Comment ရေးဖို့ ဘလောဂါ့ရပ်ဝန်းက သူငယ်ချင်းတွေ သူ့ရဲ့ စာဖတ်ပရိသတ်တွေ မျှော်လင့်တကြီး စောင့်နေကြတယ်။ " မြို့စားကြီး " လို့ စနောက်ကြဖို့ စောင့်နေကြတယ် … ဇန်နဝါရီ ၂၉ ကတည်းက ခြောက်သွေ့နေခဲ့ရတဲ့ သူ့ မြို့တော်မှာ အပြုံးတွေနဲ့ ဖုံးလွှမ်းနေစေချင်တာ … ရယ်သံတွေနဲ့ စည်ညံနေစေချင်တာ … ဒါတွေအတွက် အားလုံးက စောင့်မျှော်နေဆဲပါ ..။

ဘလော့ဂ်ဂါတွေကို ချစ်ကြည်စေချင်တဲ့ သူ့အတွက်၊ လူငယ်တွေကို ကောင်းစေချင်တဲ့ သူ့ အတွက်၊ တိုင်းပြည်ကို တကယ်ချစ်တဲ့ သူ့ အတွက် ဘေးဒုက္ခဆိုတာ မြူတစ်မှုန်စာတောင် ကျရောက်မလာစေဖို့ ဘလောဂါ့ရပ်ဝန်းမှ ညီအကိုမောင်နှမအားလုံးက ဒီအမှတ်တရ ပို့စ်လေးနဲ့ ဆုတောင်းလိုက်ပါတယ်။